O grupo municipal do BNG de Tui rexeita a nova redución de servizos na estación de tren de Guillarei

A reorganización das liñas posta en marcha por Renfe estes días, supón un novo recorte de servizos para a estación de Guillarei.
Así, suprímese a liña directa que conectaba Vigo e Ponferrada, que facía escala nesta estación tudense. Agora este desplazamento suporá dúas horas e media máis de viaxe porque haberá que facer trasbordo en Ourense.
Ademais o Alvia Vigo-Madrid reduce tempo de desplazamento pero deixa tamén de facer escala en Guillarei.
Trátase dun tema recurrente. Xa no ano 2017 suprimiuse o servizo de información, atención ao público e a venda directa de billetes na estación de Guillarei.
Este é agora un paso máis que entendemos que conduce ao peche desta estación.
Cantos menos servizos, menos pasaxeiros, e cantos menos pasaxeiros, menos servizos. É un círculo vicioso que conduce ao abandono desta estación.

Vemos cono se priorizan as largas distancias pero se desatenden o servizos de cercanías e medias distancias, desantendendo as zonas rurais, esquecendo o papel que ten o transporte ferroviario como servizo público, vertebrador do territorio e como medio de mobilidade sustentable.

Isto é consecuencia de entender as políticas de mobilidade en clave de rentabilidade económica e non en clave de rentabilidade social e medioambiental, Chama a atención ademais que fronte a estratexia do goberno portugués, que no seu programa nacional de investimentos para o ano 2030 incluía unha aposta forte coa conexión ferroviaria coa Galiza, aquí non se fai nada por potenciar a estación fronteiriza de Guillarei, dando pasos en sentido contrario, que conducen ao abandono e desmantelamento.