O Partido Popular de Tomiño lamenta que o Goberno local do BNG votase en contra dunha nova ubicación para o consultorio de Goián.

A moción presentada polo grupo municipal do PP de Tomiño- e denegada polo BNG- instaba ao goberno municipal a por a disposición do Sergas unha nova ubicación para o consultorio medico de Goián que cumpla con toda a seguridade sanitaria; e así evitar nos próximos meses verse obrigados a volver pechar o consultorio pola situación actual de pandemia.

O portavoz Esteban Gonz. lamenta que o BNG siga instalado na campaña electoral atacando constantemente as melloras sanitarias levadas a cabo nos últimos anos, recordándolle que por moito que repitan unha mentira non se converte en verdade. A realidade é que o goberno Galego invirte máis que nunca na sanidade pública. Mentres o goberno local de Tomiño segue gastando en obras, en moitos casos, non prioritarias deixando atrás o que realmente preocupa aos veciños e veciñas.

É curioso que os mesmos que esixen a Xunta máis persoal sanitario para a comarca, estean calados ante os ataques do Goberno central de Sánchez que non autoriza as peticións da Xunta de eliminar a actual taxa de reposición para levar adiante unha nova OPE (oferta pública de emprego), a sabendas de que é fundamental para cubrir xubilacións entro outras cousas, remata Esteban Gonzalez.