O PP de Tui presenta unha moción sobre a iluminación ornamental e ampliación das pasarelas peonís na vella Ponte internacional

MOCIÓN QUE PRESENTA O GRUPO MUNICIPAL DO PARTIDO POPULAR NO CONCELLO DE TUI SOBRE A ILUMINACIÓN ORNAMENTAL E AMPLIACIÓN DAS PASARELAS PEONÍS NA VELLA PONTE INTERNACIONAL.

O Grupo Municipal do Partido Popular no Concello de Tui, conforme ao previsto no artigo 97.2 do Regulamento de Organización, Funcionamento e Réxime Xurídico das Entidades Locais, desexa elevar ao Pleno Municipal a seguinte Moción:

EXPOSICIÓN DE MOTIVOS

A cidade de Tui e o municipio de Valença do Minho están ligadas íntimamente, dende hai séculos e froito desta unión entre ambos municipios foi creada o 10 de Febreiro de 2.012 a Eurocidade Valença-Tui .

Sobre ao Río Miño atópase a Vella Ponte Internacional que a día de hoxe, despois de 135 anos dende a súa inauguración (foi inaugurada oficialmente ao 25 de Marzo do ano 1886) serve para ao tránsito de persoas, vehículos e ferrocarrís. Destacamos nesta moción ao tránsito de persoas debido o feito que esta Ponte Internacional sexa tamén ao acceso a España dende Portugal do Camiño de Santiago Portugués.

A pesar de ser unha construción tan significativa e importante, a día de hoxe non dispón da dotación merecida en canto a iluminación se refire. Actualmente a iluminación que posúe a Vella Ponte Internacional basease únicamente no alumeado da propia da calzada por onde pasan os vehículos. Trátase dunha iluminación con tecnoloxía fluorescente anticuada e pouco eficiente, non é acorde co respeto polo medio ambiente e a eficiencia enerxética.

A Vella Ponte carece dun alumeado ornamental que promova ao ensalzamento tanto da súa estructura metálica como dos seus pilares de pedra. O que preténdese nesta moción é a posta en valor da figura da Ponte Internacional, que sexa unha icona referencial dende o punto de vista arquitectónico, patrimonial e turístico.

A Ponte metálica é tamén o símbolo da unión entre Valença e Tui e da continuidade entre ambas cidades, a Ponte é o elemento que facilita a permeabilidade entre Valença e Tui. Neste sentido cómpre estudar a viabilidade dunha intervención que facilite e mellore a comunicación entre as dúas localidades e deste modo incrementar a súa cohesión social. Neste sentido cómpre analizar na vella Ponte Internacional unha posible ampliación das pasarelas peonís a ambos lados da ponte para facilitar o paso dun maior número de persoas, tanto peóns como ciclistas, que cruzan esta Ponte Internacional. Son moitos os turistas que poderían usar estas pasarelas para cruzar dun país a outro a maiores dos cidadáns da Eurocidade Valença-Tui debido a que esta estrutura pode ser considerada unha rúa máis desta Eurocidade. Unhas pasarelas peonís necesarias para un funcionamento con seguridade do servizo de bicicletas compartidas que vai poñer en marcha a Eurocidade Valença – Tui e que tamén facilitará a comunicación entre as redes de sendeiros peonís a ambos lados do río Miño.

En consecuencia, o Grupo Municipal do Partido Popular solicita ao Pleno da Corporación Municipal a adopción do seguinte ACORDO:

Solicitar por parte da Corporación do Concello de Tui xunto coa Cámara Municipal de Valenca ás autoridades competentes, tanto portuguesas como españolas a redacción dos estudos e proxectos necesarios para a iluminación ornamental da Ponte Internacional sobre o Miño e a mellora e ampliación das pasarelas peonís para facilitar a mobilidade entre Valença e Tui promovendo a cohesión social e a potencialidade turística da eurocidade.