O PP de Tui, solicita a convocatoria da comisión especial de distincións e honras do Concello de Tui

O Grupo Municipal do Partido Popular de Tui quere amosar a a súa enorme ledicia polo fito conquerido polo noso veciño o triatleta D. Gustavo Rodríguez Iglesias nos Xogos Paralímpicos de Toquio 2020 exercendo de guía do valenciano D. Hector Catalá Laparra conseguindo a Medaia de Prata na disciplina de Paratliatón nunha data a de hoxe que quedará marcada na nosa memoria e na da nosa Cidade.

Este logro non fai máis que reflectir o gran traballo que teñen feito estes magníficos deportistas ao longo das súas dilatadas carreiras deportivas e que merecidamente obteñen un premio ao seu esforzo e adicación.

O palmarés que en particular atesoura este tudense e a dimensión da xesta alcanzada neste día é polo que este Grupo Municipal tomou a iniciativa de solicitar, por rexistro de entrada o mesmo día 28, á Corporación do Concello de Tui, que teña en consideración as seguintes propostas:

En primero lugar, que se proceda a distinguir a D. Gustavo Rodríguez Iglesias pola xesta conseguida. A tal efecto, solicitamos que se convoque á maior brevidade posible a Comisión de Distincións e Honras do Concello de Tui co fin de previa deliberación dos Grupos se adopte o ditame que acorde o axeitado recoñecemento.

En segundo lugar, que o Concello de Tui lle dispense un recibimento público ao devandito deportista, a poder ser nun espazo público, para facer posible a participación pública para que a sociedade tudense poida manifestarlle o seu afecto, admiración e recoñecemento. Todo elo sempre co debido respeto ás oportunas recomendacións sanitarias en vigor.