O PP pregunta a Sandra González por que non presentou o proxecto da biblioteca municipal ao Plan Hurbe da Xunta de Galicia

O Partido Popular pregunta á alcaldesa de Tomiño, Sandra González, por que non presentou o proxecto da biblioteca municipal ao plan Hurbe da Xunta de Galicia, que desde a súa posta en marcha ten investidos 150 millóns de euros en 320 actuacións, entre elas, varias bibliotecas municipais, “das que Sandra González parece estar moi pendente”.

O voceiro dos populares, Esteban González Miranda cuestiona “as críticas constantes da alcaldesa á falta de financiamento da Xunta coa instalación cultural, cando a realidade é que desde o Concello de Tomiño non se presentou ningunha solicitude ao Plan Hurbe”. Polo tanto, pregunta, “como vai a recibir Tomiño fondos igual que concellos cercanos si o Goberno local non presentou ningún proxecto a esta convocatoria?”.

Para o popular “é evidente que falta xestión do Goberno local, ou quizais o que prima é non concorrer aos plans da Xunta e poder así manter esa constante crispación co único fin de atacar á Xunta de Galicia co tema da biblioteca”. Para González Miranda é evidente que “do mesmo xeito que se presentou proxecto para concorrer á convocatoria da Deputación, tamén se puido presentar para solicitar fondos da Xunta de Galicia. Pero o certo é que non o fixeron, e agora acusan ao Goberno galego de non incluílos no seu reparto”.

Ademais, Esteban González afirma “si seguimos coas comparacións con outros concellos, pedimos á alcaldesa que sexa clara cos veciños e diga que os concellos, que tan pendentes está deles, asumen os gastos de mantemento da súas depuradoras municipais, mentres que no caso do Concello de Tomiño, ten o privilexio de ser un dos poucos concellos galegos nos que a Xunta asume os custes da explotación da depuradora municipal, aforrando 700 mil euros o ano, a pesar de ser unha competencia estritamente local e sen levar a diante a día de hoxe as melloras urxentes”.