O PSOE guardés inaugura a súa nova sede socialista

A Agrupación Socialista Guardesa inaugurou este  venres 22 de xullo a súa nova sede na localidade. Na inauguración  os socialistas contamos cunha ampla presenza de simpatizantes e militantes da Guarda e de  toda a comarca, estiveron   compañeiros das agrupacións do Rosal, Oia e Tomiño, entre outras. Tamén contamos co arroupe     de  Leticia Gallego, Julio Torrado e Gonzalo Caballero   deputados no Parlamento Galego  e de Fini Silva, secretaria de militancia da CEP, así como  doutros compañeiros da agrupación socialista de Vigo. O secretario provincial, David Regades, non puido acompañarnos por ter  outras responsabilidades pero nos trasladou unha  fermosa mensaxe.

Tamén estivo na inauguración o alcalde da Guarda, Antonio Lomba, e o exalcalde  da localidade, José Manuel Domínguez Freitas.

A nova sede socialista será en palabras da Secretaria Xeral da Agrupación, Montserrat Magallanes, un espazo aberto non só a militantes e simpatizantes senón tamén aberto á toda a cidadanía guardesa e ás entidades e asociacións da localidade. Un espazo para escoitar a todas as persoas que poidan ter un problema ou unha dificultade,  porque o máis importante para os   socialistas guardeses son  as persoas. E será tamén un espazo aberto a todos aqueles que queiran  trasladarnos  ideas   e participar en política, esta será a sede do debate,  da reunión, da reflexión e da xeración das boas ideas.

Este foi un día moi emotivo e alegre para   todos os  socialistas guardeses e todos os que  nos acompañaron,   a apertura desta nova sede significa maiores oportunidades para a  igualdade, para a cultura, para a defensa dunha sanidade pública de calidade, unha garantía  de  adopción de medidas contra o  cambio climático e para a defensa dos dereitos dos máis desfavorecidos.

Finalmente Montserrat Magallanes falou do futuro ao mencionar a importancia da mocidade  na participación en política e do porvir que representan e garanten os novos valores socialistas.