O Saneamento de Oia, -cousa de bruxa-

O xoves día 16 de febreiro celebrábase na Casa do Concello de Oia unha sesión plenaria extraordinaria a petición dos Socialistas de Oia para tratar, por unha banda, a petición á Xunta de Galicia da Aprobación da Emerxencia Galega polos danos dos pasados temporais e por outra banda a problemática municipal do saneamento.

No que atinxe ao saneamento, dende os Socialistas de Oia veñen solicitando dende fai moitos anos unha solución integral na que se reflictan todas as medidas a executar a nivel municipal para dar cunha solución duradeira e definitiva, posto que en oito anos de goberno do PP, non se levaron a cabo ningún tipo de solución ou acción concretas.

É por este motivo que dende o PSdeG-PSOE de Oia vemos con estupor a nota de prensa publicada por alcaldía no mesmo día do pleno, na que se fala dunha recente reunión cos responsables de Augas de Galicia, e duns supostos estudos, para o medio rural e outro para a zona costeira de Oia.

Fálase de estudos e de resultados, pero non se manifesta nesta nota ningún tipo de actuación ou acción específica para solventar os problemas que acarrea o saneamento para os veciños e veciñas de Oia.

O PSdeG-PSOE de Oia xa plantexou no propio pleno as solucións que se deben adoptar para que o saneamento teña un funcionamento axeitado, tanto nas zonas rurais coma na zona de costa, coma por exemplo a solicitude á Xunta de Galicia dunha nova depuradora, así coma a conexión das Mariñas coa EDAR de Baiona.

Gerardo Rodríguez pídelle a Alcaldesa de Oia que dea a cara e que deixe de facer promesas electoralistas a poucos meses das eleccións, queremos xa unha solución e non estar a “marear a perdíz” con estudos e supostas solucións que non chegan nunca a materializarse.