O Teatro Municipal de Tui acolle as I Xornadas Xurídicas

O venres 15 de xullo e o sábado 16 de xullo celebrarase no Teatro Municipal de Tui as I Xornadas Xurídicas, na que se realizarán diversas formacións sobre tráfico de drogas, menores e novas tecnoloxías e a modificación das normas de insolvencia.

Comezarán na tarde do venres, ás 19:00h, cunha xornada na que se abordará "O tráfico de drogas" a caro de Luís María Uriarte Valiente, fiscal da Fiscalía Especial Antidroga. Continuarán ás 20:30h con Joaquín Manuel Bobillo Martínez, fiscal da Sección de Criminalidade Informática e de Delitos de Odio e Discriminación da Fiscalía Provincial das Palmas de Gran Canaria, que falará sobre "Os menores idade e as novas tecnoloxías”. Na súa charla ofrecerá unha visión global do uso das novas tecnoloxías polas persoas menores de idade, os perigos e riscos dunha mala utilización da TIC’s, e os principais delitos informáticos nos que pode estar implicada unha persoa menor de idade.

Por último o sábado ás 11 h Francisco Javier Vaquer Martín, maxistrado do Xulgado do Mercantil n°6 de Madrid abordará “Os retos do pequeno empresario ante as novas situacións de insolvencia”. Na súa conferencia Vaquer Martín explicará a inminente modificación das normas de insolvencia, que xunto ás novas responsabilidades do empresario ante as primeiras dificultades financeiras da empresa, supoñen un profundo cambio legal para o que o pequeno empresario debe estar informado e prevido.