O V Apalpador Fest chega a A Guarda este venres

As bandas encarregadas da festa:

Los Abrasivos, formada por adolescentes conflitivos com inquedanças musicais, converteuse na banda precursora da escea punk do Baixo Minho de comezos dos 90. KKTúa foi umha banda senlleira guardesa, culpável de impulsar a toda umha xeraçom e implicarse ativamente na subcultura lical.
Tras a disoluçom de KKTúa e posteriormente Los Demenciales Chicos Acelerados, nacerom Los Abrasivos no 2002. Comezarom ensaiando temas de KKTúa e compondo material ata que no 2005 publicam a súa primeira maqueta, Bajo tus pies.
No 2008, gravam o seu último disco, Sois mi sueño...y haréis lo que os pido. Pouco tempo depois gravarom En la cantina ya no hay pipas, um tema conmemorativo do 50 aniversário do Sporting Guardés.
Tras várias ducias de concertos produciuse a disoluçom da banda a finais do 2009, casualmente coincidindo na atuaçom com Fracaso Skolar.
O seu estilo musical enquadrase no punk-rock, jogando às vezes co rock and roll, funk e mesmo pop; sempre com a atitude descarada e provocadora que os carateriza. Os seus concertos som lembrados polas peripécias de Rolanda, a musa que animava as súas atuaçons.
Da disoluçom dos Abrasivos medrarom novas bandas como Simios, Asmáticos e Santos Morcegos, entre outras.
Oito anos máis tarde, juntamse de novo para um único concerto que fará um percorrido por toda a súa discografía e onde também haverá tempo para versons de clásicos punk.

Os Frakaso Skolar forom umha banda punk guardesa, conformada no 2005. Há tres anos que deixarom de tocar, mas este 23 demostraram que nom foi por falta de ganas.