Os Socialistas de Oia fanse eco das demandas da Asociación Ecoloxista Anabam ante a pasividade da alcaldesa

Os Socialistas de Oia veñen de por en coñecemento público as demandas do grupo ecoloxista Anabam, que ante a pasividade e inacción da alcaldesa de Oia, vence obrigados a empregar as redes Sociais para facer visible a falla de compromiso de Cristina Correa co Medio Ambiente.

Tal e como manifestan dende a Asociación para a protección e defensa do patrimonio natural do Baixo Miño galego-portugués, xa non é a primeira vez que poñen en coñecemento da alcaldesa de Oia as demandas para a protección de diversas especies arbóreas e animais, sen que, dende o consistorio local, se faga nada para defender o noso medio ambiente.

Sobre a Honckenya Peploides

Na praia da Area das Vesadas, en Mougás, se atopa a única poboación presente da especie Honckenya Peploides en toda a comarca do Baixo Miño. O colectivo ecoloxista xa comunicou a necesidade de dar protección a o espazo onde se atopa a mesma dende fai un ano, sen obter resposta algunha por parte do consistorio local. Afortunadamente este espazo e esta especie ven de protexerse recentemente a través da Xefatura Provincial de Costas, e non grazas ao traballo da rexedora local, quen amosou o seu total desinterese.

Dende os Socialistas de Oia recordan a Alcaldesa de Oia que a defensa do Medio Ambiente tamén é unha obriga municipal, pode que non dea tanta “Felicidade” coma outras concellerías, pero é o noso deber protexelo e respectalo, para o noso desfrute e o das vindeiras xeracións.