Os Socialistas de Tomiño califican de -indignidade política- a campaña de recollida de sinaturas do Bng

O Grupo Municipal Socialista de Tomiño amosa o seu asombro e estupor ante a posta en marcha  dunha campaña de recollida de sinaturas polo Bng de Tomiño, cando o pasado xoves 24, na celebración do Pleno non foron quen de presentar ningunha iniciativa o respecto. Foron as socialistas, unha e outra vez, pleno tras pleno, quenes puxeron enriba da mesa unha batería de medidas a tomar, buscando consensos e coa lealdade institucional que un problema da magnitude e gravidade que temos no noso Centro de Saúde, merece. E por iso que califican  estos actos de "INDIGNIDADE POLÍTICA" pois o Goberno Municipak está antepondo os seus intereses partidistas ao benestar da veciñanza.

As socialistas preguntaron pola situación do Centro de Saúde e do Consultorio de Goián o 19 de setembro do 2019, negándose por parte do goberno a existenza de ningún problema e mesmo acusándonos de estar creando nos o conflicto, polo que non se fixo nada para procurar solucionar o que se nos viña enriba porque a problemática témola dende antes da pandemia e nunca se fixo absolutamente nada.

É unha mágoa que as nosas propostas sexan arrebatadas  e utilizadas partidariamente e non como Corporación Municipal como correspondería, e lamentamos profundamente  que os case 14 anos de goberno, os nacionalistas confundan o que é loitar pola veciñanza cos intereses partidistas. O que confirma que estamos ante un fin de ciclo, onde este goberno actúa a bandazos,é un goberno sin ideas nin iniciativas propias pois ten que apropiarse do traballo dos demais. Con prepotencia, nocturnidade e silencio  non se defende a sanidade, a sanidade deféndese loitando todas xuntas a carón dos veciños e veciñas de TOMIÑO.