San Xerome - Proxecto de FORMACIÓN DUAL EN LIMPEZA para persoas con diversidade intelectual. PRAZA VACANTE de alumnado-traballador

A Asociación San Xerome Emiliani de A Guarda, a través do seu Centro Especial de Emprego San
Jerónimo Emiliani, SL ten en marcha un proxecto de FORMACIÓN DUAL para persoas con diversidade
intelectual, que permite formar, capacitar profesionalmente e ofrecer unha oportunidade laboral ao
colectivo para o que traballamos día a día.

O dito Programa de Formación Dual que estamos implementando permite que as persoas con
diversidade intelectual se formen durante 3 anos, compaxinando a súa formación cun contrato de
traballo para a formación e a aprendizaxe dende o primeiro día. A FORMACIÓN DUAL prevé un
conxunto de accións ou iniciativas formativas mixtas de emprego e formación, que teñen por obxecto a
cualificación profesional das persoas traballadoras con diversidade intelectual, nun réxime de
alternancia da actividade laboral no Centro Especial de Emprego coa actividade formativa recibida no
marco do Sistema de formación profesional para o emprego.

Este proxecto de Formación Dual nos permite formar e capacitar profesionalmente a 10 persoas con
diversidade intelectual (grao igual ou superior ao 33%), durante 3 anos, para que poidan acadar, coas
adaptacións curriculares oportunas, un Certificado de profesionalidad en "Limpeza de superficies e
mobiliario en edificios e locais", á vez que desenvolven unha actividade profesional remunerada, cun
contrato de formación e aprendizaxe no Centro Especial de Emprego, de 3 anos de duración.

A finalidade última do proxecto é que, unha vez formadas, profesionalizadas e en posesión da titulación
reglada acadada, as persoas con diversidade intelectual participantes estén plenamente capacitadas
para acceder a un emprego na empresa ordinaria, fin último da nosa razón de ser.

O proxecto comezou a finais de 2019, neste momento aínda temos un ano e medio de proxecto por
diante, e dispoñemos dunha praza vacante para alumnado.traballador.

As persoas interesadasen participar poden porse en contacto no 656 565 630.