San Xerome de novo en movemento

Este intenso período de "parón social", nos serviu para traballar duramente en repensar os nosos servizos e actividades, e buscar as formas más axeitadas de seguir acompañando e apoiando os proxectos de vidas das nosas persoas usuarias, a nosa razón de ser.

Mudamos a nosa organización, o xeito en que prestamos os nosos servizos, para adaptalos ás novas circunstancias, para garantir en todo momento a máxima seguridade, benestar e prevención. Pero o que non mudamos é a nosa esencia, o noso compromiso coas persoas e os seus soños, para iso estamos novamente eiquí, ao pé do cañón, desexando compartir sorrisos cos ollos, que consigan sobrepasar e facer fronte a calquera mascarilla, por imprescindible que sexa.

A partires da semana que ven retomaremos unha chea de actividades dirixidas ás nosas persoas. O servizo de Adultos reanuda actividades, mudando de forma para ofrecer apoios individualizados de tres xeitos diferentes, no domicilios das persoas usuarias, na contorna, ou no noso Centro con cita previa e de xeito individual. Tamén a formación para o emprego cos proxectos de Formación Dual en Limpeza e o proxecto XE-MENTE INNOVACIÓN, sobre agroecoloxía. E para non descuidar o lecer e tempo libre, dous Campamentos urbanos, un dirixido ao alumnado do noso Centro Educativo e outro ás persoas adultas, son algunhas das propostas que podemos ofrecer ao longo destes meses de verán, para que as nosas persoas e familias poidan recuperar un pouquiño de novo as súas vidas e as súas rutinas, asumindo este novo reto con grande responsabilidade e ilusión.