TRABALLASE A RITMO FRENÉTICO PARA ARRANXAR OS DESPERFECTOS NO CEIP M.R. SINDE DE A GUARDA

Os obreiros encargados do arranxo da cuberta do CEIP Manuel Rodríguez Sinde de A guarda, traballaron arduamente durante a xornada de hoxe, para tentar adiantar os traballos canto antes, e poder comezar deste xeito as clases, que hoxe, aínda seguirán suspendidas.

O Concelleiro de Educación e Ordenación Universitaria da Xunta de Galicia,  visitou durante a xornada de onte as instalacións deste centro de ensinanza de A Guarda, acompañado de membros da Corporación Local de A Guarda.

Ademáis dos danos da Cuberta do Colexio, unha das antenas da Rede Wifi Municipal, que se atopa ubicada na fachada, tamén se víu afectada, polo cal a sinal Wifi nesta zona quedou cortada dende o temporal.

As 3 do mediodía de onte chegaba ó lugar unha grúa especial de grandes dimensións, que traballará nas labores de arranxo dos desperfectos ocasionados polo temporal da pasada fín de semana.

Froito da movilización deste transporte especial de gran tonelaxe, descubríuse un socabón de aproximadamente 1 metro de profundidade, ubicado na rúa de acceso ó Colexio(xusto pegado á parte traseira dos garaxes que alí se encontran).  No momento en que a grúa facía a maniobra de calzo, as rodas da mesma hundíronse uns centímetros no asfalto, e trala observación desta anomalía, o conductor da mesma procedeu a movela de lugar, deixando á vista o socabón que transcurre por debaixo do asfalto.