Treixadura actúa este sábado en Tomiño

A concelleira de Cultura, Cristina Martínez, agarda que o nivel de asistencia do público sexa tan bo coma está sendo en cada unha das citas culturais organizadas polo Concello este verán.

CINE NA RÚA: TROLLS. PRAZA DA MINA. 22.30 HORAS

Tamén chega a súa fin o ciclo "Cine na Rúa", que traerá, mañá venres 28 de xullo, a película "Trolls", para público infantil e familiar. A cita é na Praza da Mina, ás 22.30 horas.

Dos creadores de 'Shrek', 'Trolls' é a nova película de animación baixo o selo da compañía DreamWorks Animation e distribuída por 20th Century Fox. A longametraxe relata a curiosa historia dunhas apracibles e divertidas criaturas que se pasan a vida cantando, bailando coas súas coloristas vestimentas e os seus alegres peiteados. Pero non todo é diversión e entretemento no Poboado Troll, porque terán que convivir cos pesimistas e oscos Bergens, uns personaxes que representan todo o contrario aos ideais que eles teñen por bandeira, e que só son felices cando teñen a un Troll dentro do estómago.