Tui estrea este domingo o Festival Vertixe Sonora 2019

O ciclo EN RUTA abre en Tui o 29 de setembro con toda a simboloxía do Camiño Portugués e a súa significación personal, presentes nas catro pezas encomendadas por Vertixe Sonora aos compositores Cristián Morales (Chile), Yuko Ohara (Xapón), Alex Müller (Alemaña) e Fernando Munizaga (Chile.) O concerto terá lugar na Igrexa de San Domingos de Tui, espazo no que destacan, por únicos, os seus retablos barrocos. Este primeiro concerto será conducido polo director Miquel Bernat.

Tal como sinalou o compositor Ramón Souto, director do festival: "O ciclo En Ruta procura a promoción do Camiño Portugués; para nós, en Vertixe Sonora, as relacións con Portugal están moi marcadas, pola relación que temos con músicos e compositores lusos. A idea é desenvolver o ciclo en diferentes espazos simbólicos no Camiño Portugués, empezando por Tui, onde o domingo 29 contaremos cun ensemble de15 músicos dirixidos por un dos músicos máis prestixiosos de España. Pensamos que o proxecto ten capacidade para proxectar o Camiño a nivel internacional, potenciando ese nexo espiritual e afectivo de Galicia para o mundo". Ademais do concerto en Tui, o festival desenvolve obradoiro o venres 27 no Conservatorio de Tui.

Anxo Lorenzo, director xeral de Políticas Culturais da Xunta de Galicia, explicou que o programa O teu Xacobeo pretende celebrar e difundir o máis posible iniciativas culturais de gran calidade espalladas por todo o territorio, de cara ao Xacobeo 2021. Na convocatoria 2019, presentáronse máis de 700 proxectos e se financiaron 252 proxectos presentados por asociacións, concellos ou entidades, cun impulso orzamentario de 4,7 millóns de euros.

Máis festival

"Deriva" é o título do concerto que chega a Valga o 6 e 7 de outubro. "A evocación dun camiño percorrido, tal vez dunha busca, algo transformador do entorno, un vagabundeo, unha deriva (die Wanderung) por distintas situacións. Ideas de espazo compartido, que cambian co significado persoal construído a partir das experiencias temporais", apuntan desde Vertixe Sonora. Este concerto, no Auditorio Municipal de Valga, servirá ademais para a presentación do CD "Lula Romero Portrait" (WERGO) da serie "Edition Zeitgenössische Musik" producido por Deutsches Musikrat. A obra doutras dúas compositoras, Victoria Cheah e Katharina Rosenberger, completan a proposta de Valga.

Compositoras no camiño
O ciclo EN RUTA nace con algunhas preguntas. Se ben a importancia do canto como vehículo de comunicación no camiño desde o século XII está documentada, só houbo trobadores?. "Pouco sabemos das trobairitz, mulleres poetas do século XII, xa que poucos dos seus textos chegaron ata os nosos días. Como adoita ocorrer na historia das mulleres á cultura, as achegas destas artistas quedaron reducidas a anécdotas históricas e raras veces se recolleron na historia da literatura medieval", explican en Vertixe. A valentía, determinación e coraxe de figuras como a de María Balteira inspiran a concepción do concerto "Coraxe", con novas

composicións, encomendadas por Vertixe Sonora para o Camiño, de Ángela da Ponte (Portugal), Filipe Lopes (Portugal) e Pablo Vergara (Chile), a estrear o 12 de novembro na Igrexa de Santiago de Padrón, un espazo de enorme simbolismo na tradición xacobea.

Accións sonoras, conversas coas compositoras e sesións cos centros escolares dan maior sentido a un ciclo que procura o fomento e creación de público. Cunha fórmula na que a creación contemporánea e a tradición van da man, EN RUTA é unha proposta innovadora, internacional, que parte ademais do diálogo coa viciñanza. EN RUTA pon en valor a efervescencia e fluxo constante de persoas ao longo das rutas, e implica á xente local a crear un imaxinario sonoro das súas vilas. Coa comunidade educativa levaranse a cabo accións sonoras co alumnado de centros educativos de Tui, Mos, Pontecesures e Redondela, algunhas tan prometedoras como "Embaldosado", creación dun pavimento de circuitos electrónicos ao longo da Ponte Internacional de Tui, "Túnel de trinos", a partir dos rexistros ornitolóxicos, ou "Ánimas", ao redor da presenza de "aparecidos" no Camiño. Artistas como Loreto Martínez Troncoso, Mateo Mena ou Alejandra Pombo poñen en marcha estas accións dentro do ciclo.

EN RUTA marca o inicio da programación do Festival Vertixe Sonora 2019, que continuará a última semana de outubro en Vigo. O festival, cuxa andaina está vinculada ás cidades de Vigo e Pontevedra, espalla cada ano as súas accións ao redor da creación musical contemporánea a novas localidades. En 2019 celebra a súa sétima edición.

Sobre Vertixe Sonora
Vertixe Sonora ten unha ampla traxectoria na dinamización do ecosistema musical europeo, favorecendo o intercambio e a cohesión a través da música máis actual e innovadora. A súa dilatada experiencia nese rol inclúe ciclos e actividades culturais de toda índole nos principais centros de referencia en artes contemporáneas en Galicia e fóra dela. Algunhas das actividades consolidadas desta agrupación son os ciclos de música e arte "Correspondencias Sonoras" do Centro Galego de Arte Contemporánea, os seminarios de música, ciencia, arte e pensamento contemporáneo "Do Audible" apoiados pola Secretaría Xeral de Cultura da Xunta de Galicia, o Festival MIHLSonsXXI na cidade de Lugo e o Festival Internacional de Creación de Música Contemporánea Vertixe Sonora, todos grandes contribuíntes da renovación do panorama musical da nosa Comunidade.

Premio Martín Codax 2016 de Música clásica contemporánea, ha realizado 135 estrenos absolutos de compositores de 32 países. En España llevó su repertorio a la Mostra Sonora de Sueca, Festival XXXVI Encontre Internacional de Compositores en Mallorca, Ciclo BBVA de Música Contemporánea de Bilbao, Festival SON de Madrid, Festival SMASH de Sansebastián, Festival Bernaola de Vitoria, ensemble residente del Festival MIXTUR de Barcelona y en el XXVII Premio Jóvenes Compositores Fundación SGAE_CNDM 2016 en el Auditorio 400 del Museo Nacional del Centro de Arte Reina Sofía.

O seu recoñecemento e redes internacionais tenlle permitido a Vertixe estar presente no Festival Oh Ton de Oldenburg (Alemaña), Festival Electr()cution de Brest (Francia), Levande Musik en Goteburgo e no Samtida Musik de Estocolmo (Suecia), Festival Síntese en Guarda e Castelo Branco (Portugal), Festival de Música Nova de Monterrey (México), o CSUF New Music Series do Meng Fall Fullerton en California (EUA) ou seres ensemble residente do Festival SoundSCAPE de Cesena (Italia). O 2019 segue alongando a lista e lévaos ao Festival Callejón del Ruido en Guanajuato (México), ao Festival Música Viva en Lisboa (Portugal) e até as cidades de Basilea (Suíza), Oporto (Portugal) e Estrasburgo (Francia).

A súa labor foi recollida nos documentais Correspondencias Sonoras (2013) de Manuel Del Río e Sonutopias (2014) do campUSCulturae da Universidade de Santiago de Compostela. Gravou para o sello WERGO o ciclo Die Wanderung da compositora Lula Romero, e recentemente gravaron na ciudade de Oporto un CD monográfico sobre o compositor mexicano Víctor Ibarra para o sello NEOS.

Vertixe Sonora realiza unha difusión no exterior do Xacobeo a través de conciertos en México (Guanajuato, Festival Callejón del Ruido), Portugal (Lisboa, Festival Música Viva; Oporto, concerto e gravación CD para sello NEOS), Valencia (Festival ENSEMS), e próximamente Madrid (Teatro Galileo), Mallorca (ciclo PHONA) e Suiza (Basilea, Museo Tinguely).