Tui realiza este martes un pleno para designar os membros das mesas electorais

Convocar Sesión con carácter Extraordinaria do Pleno Corporativo a celebrar o vindeiro martes, día 23 de xaneiro ás 09:00 horas, e dous días despois á mesma hora en segunda convocatoria en caso de non existir o quórum esixido na primeira, no Salón de Sesións da Casa do Concello e con carácter público, motivada na necesidade de dar cumprimento ao recollido no Decreto 150/2023, de 25 de decembro (DOG núm. 243 do 26/12/2023), polo que se convocan eleccións ao Parlamento de Galicia para o 18 de febreiro de 2024 e en relación co artigo 26 da Lei Orgánica 5/1985, de 19 de xuño, de Réxime Electoral Xeral, e resolver os puntos incluídos na seguinte:

ORDE DO DÍA

Asunto único.- Designación, mediante sorteo, das persoas que integrarán as mesas electorais correspondentes ás eleccións autonómicas convocadas para o vindeiro 18 de febreiro de 2024. Proposta de Alcaldía de data 16/01/2024.

SEGUNDO.-Notificar a presente Resolución aos concelleiros advertíndolles que, conforme ao disposto polo artigo 12.1 do citado RD 2568/1986, do 28 de novembro, deberán comunicar coa antelación necesaria calquera causa xustificada que implique a imposibilidade de asistir á citada sesión, e facendo remisión ás medidas e recomendacións sanitarias sinaladas na parte expositiva.

TERCEIRO.-Que pola Secretaría municipal se poña a disposición dos Concelleiros a documentación dos asuntos incluídos na orde do día, acompañando a convocatoria copia das actas das sesións anteriores que se sometan a votación, no seu caso.