UN INCENDIO NUN CUADRO ELÉCTRICO MOVILIZA ÓS EFECTIVOS DE EMERXENCIAS EN TUI

Pasaban das 19:00h cando uns fortes estoupidos alertaban ós veciños dun bloque de vivendas da céntrica rúa Irmáns Maristas de Tui. Alertados polas explosións e polo fume que saía da parte baixa do edificio deron aviso ó 112 quen trasladou a dúas dotacións de bombeiros do Parque Comarcal de O Porriño, unha dotación da Guardia Civil e unha dotación da Policía local de Tui.

O incendio orixinouse nun cadro eléctrico da zona baixa do edificio, moi preto dunhas canalizacións de gas, polo cal os bombeiros tiveron que traballar arduamente posto que a tubaxe de gas víuse afectada polo fogo, provocando pequenas explosións.

Os veciños do inmoble tiveron que ser evacuados pola acumulación de gases tóxicos nas vivendas e os Bombeiros tiveron que entrar con bombonas de osíxeno para comprobar que non quedaba ninguén no interior do edificio e proceder á ventilación das diferentes vivendas do mesmo.

Algúns veciños manifestaron a Infomiño Noticias que a preocupación era saber se aínda quedaba alguén no interior do edificio, polo que facilitaron as chaves dos seus domicilios ós Bombeiros para que procederan a revisalos mesmos, na procura de algunha persoa no interior, pero por sorte xa non quedaba ninguén no interior e os Bombeiros continuaron coas tarefas de ventilación do interior e tamén no exterior a valorar os danos ocasionados e asegurar a tubaxe de gas afectada.