Veciños da Guarda reclaman ao SERGAS a cobertura da praza da Pediatra que se atopa de baixa dende fai meses

Unha das pediatras do Centro de Saúde da Guarda, Maria Pilar Casado Cembreros, está de baixa médica desde hai varios meses. Os nenos e as nenas desta pediatra non teñen a atención sanitaria normal porque a súa baixa non está sendo cuberta por un pediatra substituto.

Cando un fillo noso enferma, non temos médico que o vexa. Esta circunstancia está sendo encuberta polas chamadas telefónicas: os demais nenos e nenas teñen unha primeira cita telefónica, e posteriormente teñen opción de que a segunda cita sexa presencial, se o considera necesario a pediatra.

Os pacientes adoitan ter consultas telefónicas por médicos doutros centros de saúde, en cada ocasión un diferente, que non poden ver presencialmente os nenos e nenas, aínda manifestando eles mesmos que era necesario ver o neno ou a nena. 

Queda a opción de acudir a Urxencias, pero todos sabemos que no PAC da Guarda non temos pediatra de urxencias, ademais de que non é o correcto. 

Por esta razón, debemos protestar. Se non o facemos, estamos dicíndolle á Xerencia do Sergas (que é sobre quen recae a responsabilidade, nunca sobre as pediatras) que aceptamos esta situación. Pero non a aceptamos! Esiximos que cubran a baixa da nosa pediatra!  

[Documento PDF. 82 KB ]

Por todo isto, todas as nais e pais dos nenos e nenas pacientes de Pilar DEBEMOS RECLAMAR. Só tendes que poñer voso nome, DNI e enderezo neste modelo de reclamación e presentalo no Centro de Saúde da Guarda con rexistro de entrada ou ben mediante a sede electrónica, se tendes chave 365 (a miña sede > trámites > suxestións e queixas).