1. Datos xerais:

- Nome completo: Xan Lois Lomba Alonso.
- Profesión actual ou última ocupación: Mestre de Educación Primaria.
- Idade: 39 anos.
- Lugar de nacemento: A Guarda.
- Lugar de Residencia: A Guarda.

2. ¿Quén compón a candidatura do seu partido nestas eleccións municipais?

A canditadura que presenta o BNG na Guarda para estas eleccións municipais están conformada por un conxunto de persoas con gañas de traballar con ilusión misturando a experiencia política coa mocidade e cun firme compromiso coa Guarda.
1. Xan Lois Lomba Alonso.
2. Hortensia García Díaz.
3. Xosé Emilio Álvarez Pena.
4. Mª Luisa Guerra Cañizo (Marisa).
5. Fernando Loureiro Coballes.
6. Mª Mercedes Martínez Vázquez.
7. Roberto Trigo Gómez.
8. Gloria Inés Vázquez Castro (Yoya).
9. Denís Vicente Rodríguez.
10. Xaquín Baz Vicente.
11. Antón Dos Santos Rodríguez.
12. Mariña Bello Fernández.
13. Félix Pérez Cividanes.
14. Mirian González González.
15. Serafín de la Fuente González.
16. Begoña González Martínez.
17. Cándido Verde Andrés.
18. Xosé Benito Alonso da Costa (Mansa).
19. Mª Xosé Alonso González.
20. Alberto Alonso Bello.

3. En que liña de traballo se basea o seu proxecto de cara ás próximas eleccións?

No actual contexto de crise económica, unha das principais preocupacións do BNG é a promoción e dinamización da economía local. Para iso, é fundamental contar coa colaboración dos sectores produtivos e xeradores de emprego que hai no concello como o comercio, a hostalaría ou a pesca. Poñeremos en marcha iniciativas concretas como a creación de sementeiras de empresas, a elaboración dun plano de promoción de emprego cun servizo de orientación para a formación e creación de emprego, o desenvolvemento de programas encamiñados á dinamización do comercio local e do turismo, a execución do polígono industrial, a reforma da praza de abastos e a demanda da mellora do porto da Guarda.
A aprobación do dun Novo Plan Xeral de Urbanismo como instrumento básico de ordenación do territorio coa habilitación de solo para vivenda protexida. Tamén traballaremos nun plan de tráfico e abordaremos os problemas de aparcamento existentes na Guarda.
Demandaremos á Xunta o desenvolvemento do Plan Director do Monte Sta. Trega para a súa posta en valor converténdoo nun referente cultural e turístico non só da localidade se non de toda a comarca.
Traballaremos para a mellora dos servizos sanitarios coa dotación dun servizo de radioloxía e unha ambulancia medicalizada.
As actuacións que dende o BNG se pretenden realizar están encamiñadas á mellora das condicións de vida dos veciños e veciñas cun concello aberto ás persoas, sobre todo, con vocación de servizo público cun trato igualitario para todo o mundo.

4. ¿Qué expectativas pretenden conseguir nestes comicios electorais?

O BNG é unha forza política con vocación de goberno e polo tanto gobernar. Dentro das expectativas do BNG está a creación dun escenario onde a política estea ao servizo do pobo. O BNG fará do diálogo unha bandeira, fuxindo de comportamentos prepotentes, no que as persoas vexan no goberno municipal un referente para superar esta a crise económica. O BNG non cae na resignación doutras formacións políticas. Cremos que A Guarda ten moitas posibilidades para saír adiante, con ilusión e con moito traballo imos facelo, sobre todo, cun cambio nas políticas que se están levando a cabo tanto na Xunta como no Goberno central, e por suposto, no Concello.

5. ¿Qué accións en materia de infraestruturas marcan como prioritarias para o seu Concello? ¿E para o Baixo Miño?

Como dixen antes, a principal preocupación que temos no BNG é a de superar esta crise económica. Unha das infraestruturas máis importantes é a da posta en marcha o Polígono industrial como instrumento para o asentamento de novas empresas e polo tanto de novos postos de traballo. A reforma da Praza de Abastos está chamada a ser un dos factores de dinamización do comercio de proximidade.
En canto as infraestruturas viarias dentro da localidade, abordaremos a saída sur do porto da Guarda. A defensa do ferry A Guarda-Caminha foi unha constante para o BNG, demandaremos o mantemento e mellora deste servizo compatibilizándoo coa protección do medio ambiente e da actividade dos pescadores do río.
As comunicacións coa comarca e co resto do país son fundamentais para achegar riqueza ao noso concello. Así cumpre rematar cunha infraestrutura tan importante como a Vía de Alta Capacidade. Esta vía debe cumprir unha función de comunicación fluída co resto da comarca; asemade, está chamada a ser a vía de comunicación do futuro polígono industrial que vai repercutir positivamente no desenvolvemento do sector empresarial e turístico.
Outra das infraestruturas que, sen ter un carácter puramente local, é o polígono industrial A Guarda-O Rosal de vital importancia para o estabelecemento de novas empresas na localidade.

6. ¿Qué políticas sociais e culturais levarán a cabo se gañan as Eleccións Municipais de 2011?

As políticas sociais e de igualdade sempre tiveron un lugar preferente para o BNG. Dende o BNG contemplamos medidas como: un fondo de emerxencia social, garantir o desenvolvemento do Plan de Igualdade entre Homes e Mulleres, unha gardería municipal con maior capacidade, desenvolvemento de diferentes programas como axuda no fogar, inserción social, ..... En definitiva, o BNG pula por uns servizos sociais que axuden a aquelas persoas que sofren máis directamente as consecuencias da crise económica, uns servizos que axuden a conciliar a vida familiar e laboral para fomentar a incorporación da muller ao traballo.
O BNG promoverá unha axenda cultural estábel ao longo do ano, combinando actividades promovidas polo concello como colaborando con diferentes institucións e asociacións de carácter cultural e xuvenil. Dende o BNG apoiaremos manifestacións artísticas como o teatro amador, música, etc... Habilitaremos espazos para o desenvolvemento de actividades por parte das asociacións culturais. Tamén haberá un apoio decidido a aquelas institucións e iniciativas que promocionen o uso e normalización do galego na localidade.

7. ¿Qué impresión ten sobre o Concello? ¿Cómo o definiría brevemente?

A Guarda é un concello pequeno en territorio pero grande en oportunidades. Temos un patrimonio natural e cultural impresionante. Por citar algúns exemplos, está o estuario do Miño, a fachada atlántica, o monte Sta Trega.
A Guarda combina, nun pequeno espazo de territorio, unha variada oferta da que moi poucos lugares no mundo poden presumir: mar, monte, río, praias, un importante patrimonio cultural e histórico, ... É necesario a súa posta en valor para crear riqueza e para facer da Guarda un importantísimo polo de atracción económico e turístico.
A mellor definición da Guarda: un concello pequeno en territorio pero grande en oportunidades.

8. A nivel local, ¿Qué tipo de medidas se poden levar a cabo desde a corporación municipal de cara a afrontar a actual crise económica?

Como xa comentei anteriormente, a elaboración dun plano de promoción de emprego cun servizo de orientación para a formación e creación de emprego, o desenvolvemento de programas encamiñados á dinamización do comercio local e do turismo , a modernización de infraestruturas como a praza de abastos, ou a execución do polígono industrial, entre outras, son medidas encamiñadas á afrontar a actual crise económica.

9. A nivel persoal, ¿síntese preparado para encabezar o grupo de goberno municipal se o seu partido gaña as eleccións municipais 2011? Que motivos ou aspiracións lle inflúen para presentarse como candidato/a? ¿Qué político ou persoa importante da historia admira o lle inspira?

Encabezar a lista do BNG nas próximas eleccións municipais é unha responsabilidade moi grande para min. Esa responsabilidade vai acompañada dun compromiso firme co meu pobo, A Guarda. Síntome preparado para encabezar o grupo de goberno dado que estou acompañado dun equipo de persoas que facilitan esa labor. Persoas con capacidade, con ilusión e con gañas de traballar pola Guarda.
As motivacións que me animan a presentarme como candidato son varias: entre outras, mellorar as condicións do lugar onde vivo e dos meus veciños e veciñas, a necesidade de traballar polos intereses das maiorías, e o compromiso que como nacionalista teño con esta terra, coa súa cultura e a súa lingua.
Como nacionalista síntome inspirado por persoeiros como Alexandre Bóveda e Alfonso Daniel Rodríguez Castelao que fixeron da defensa de Galiza a súa causa.

10. ¿Qué lle diría aos seus posíbeis votantes ou simpatizantes?

Na actual situación de crise económica a única formación política que constitúe unha auténtica al-ternativa é o BNG.
O concello da Guarda necesita gobernantes que traballen dende a convicción de que se pode saír da situación actual, apostando polos sectores produtivos e polas potencialidades que temos na Guarda.
O BNG é unha garantía de goberno para as maiorías sociais, un goberno que vai facer do diálogo a súa bandeira, tratando a todo o mundo por igual e fuxindo da prepotencia.