O PP da Guarda esixe a finalización da urbanización da Rúa a Cal

A voceira do PP explica que "agora que sabemos o reparto do Plan Concellos da Deputación, no que lle corresponden por poboación máis de 700.000 euros á Guarda, cremos que é o momento de que se finalicen as obras desta rúa de unha vez".

"O grupo de Goberno xa non ten desculpas posibles para non abordar a execución da obra, non só o proxecto, que poña fin a esta discriminación de estes veciños da Rúa A Cal, na zona da Cruzada, unha rúa moi transitada tamén polos resto de guardeses que queren acceder á Fonte da Cal.

Así mesmo, o PP subliña que ademais desta hai outras rúas pendentes por mocións aprobadas en pleno presentadas ou votadas a favor polo Grupo Popular (como por exemplo facer beiraruas e iluminación no 3º Transversal Os Bechos que vai ata o Conservatorio) que non parece que estean nos plans do Goberno local nin teñan intención de abordar, algo co que o Grupo Popular discrepa e así o manifestaron ao votar en contra dos orzamentos.