A Guarda reclama melloras á Delegación Territorial de Educación nos Centros Escolares da vila

Dende a Concellería de Educación do Concello de A Guarda veñen de manifestar que se realizou unha petición de cita co Xefe Territorial de Educación en Pontevedra, D. César Pérez Ares para poder falar en persoa sobre as necesidades dos Centros Escolares de A Guarda.

Segundo manifestaron dende a Concellería de Educación do Concello de A Guarda, esta cita foi solicitada ante a falta de resposta por parte da Xefatura de Educación ós reiterados escritos que durante este curso escolar se enviaron para falar dos compromisos adquiridos con algúns dos centros e que non foron levados a cabo, e tamén de obras que deberán acometer en Centros que son moi antigos e nos que non foron acometidas reformas en moitos anos.

Dende a Delegación Territorial de Educación en Pontevedra, a través do seu Xefe Territorial, César Ares, manifestaron e a comunicación entre o Concello de A Guarda e a súa delegación é fluída e normal, de feito, manifesteraon que hoxe mesmo contactara co tenente-alcalde de A Guarda.

A Xefatura Territorial ven de facer a liquidación das Solanas, sobre 8 mil euros, que deberán invertirse nese centro, tal y como se comprometeu o Concello, manifestan que é o Concello o que se ten que comprometer coas labores de conservación e mantemento para que os Centros Escolares da vila non se queden obsoletos.