A XUNTA FAI ENTREGA DE 41 REMOLQUES DE EMERXENCIAS PARA AGRUPACIÓNS DE PROTECCIÓN CIVIL DAS CATRO PROVINCIAS GALEGAS

O vicepresidente da Xunta, Alfonso Rueda resaltou a importancia de que os concellos galegos poidan dispoñer de máis medios que acheguen seguridade á cidadanía, polo que a Xunta facilita así aos concellos galegos novos equipamentos para as emerxencias,tan necesarios para garantir a prevención de riscos, dotándoos dun importante equipamento de emerxencias, tanto en cantidade como en calidade, que posibilitará que os concellos galegos sigan a prestar a súa importante labor en favor dos seus veciños, cuns estándares de calidade cada día mellores.

Mediante a Orde do 28 de xaneiro de 2015, para a adxudicación de equipamentos de emerxencia, en réxime de concorrencia competitiva, a concellos de menos de 50.000 habitantes, mancomunidades ou agrupacións de concellos galegos, no marco de Programa Operativo Feder-Galicia 2007-2013, otorgáronse 41 remolques para atención ás emerxencias, e proximamente fará entrega de vehículos todo terreo tipo pick-up, vehículos furgóns para transporte e loxística, embarcacións pneumáticas de salvamento e rescate; esparexedores de sal adaptados a remolques ou vehículos todoterreo e remolques con carpa presurizadas para Posto de Mando Avanzado (en adiante PMA), cun orzamento total que supera os 4 millóns de euros.

Distribución de remolques de emerxencias
Desta volta foron entregados 18 remolques para concellos da provincia de A Coruña, Boqueixón, Cabana de Bergantiños, Cambre, Cedeira, Cerceda, Coristanco, Fisterra, A Laracha, Malpica de Bergantiños, Muros, Ponteceso, Pontedeume, Rois, Teo, Val do Dubra, Valdoviño, Vedra, Vimianzo,

Para a provincia de Lugo, foron 6 os concellos que recibiron remolque, Burela, A Fonsagrada, Guitiriz, O Incio, Pol, Ribas de Sil. Na provincia de Ourense correspondéronlle a 11 concellos, Amoeiro, Avión, O Barco de Valdeorras, Castrelo de Miño, Castro Caldelas, Gomesende, Larouco, Lobios, Parada de Sil, Pereiro de Aguiar, Vilariño de Conso
E na provincia de Pontevedra recibiron o novo equipamento para as emerxencias, os concellos de Bueu, Cerdedo, O Grove, A Guarda, Moraña, Pontecesures.