Aprobado o Regulamento do Rexistro Municipal de Asociacións do concello da Guarda

O Concello da Guarda, unha vez rematado o prazos para a consulta pública, ven de aprobar definitivamente o Regulamento do Rexistro Municipal de Asociacións municipal.

O presente Regulamento do Rexistro Municipal de Asociacións do Concello da Guarda ten coma finalidade establecer o marco xurídico regulador do Rexistro Municipal de Asociacións, como instrumento que permita recoller documentalmente a realidade do tecido asociativo e de participación colectiva, dentro do marco territorial do Concello da Guarda, para coñecer a situación real das asociacións existentes, definir as liñas que impulsen a consolidación dun tecido social organizado e moderno que busque vías e se axuste mellor aos intereses dos cidadáns de hoxe, para participar e actuar nos asuntos que lles preocupan.

Para a  creación do Rexistro Municipal de Asociacións no Concello da Guarda foi necesaria a aprobación dun regulamento que estableza o seu contido, finalidades, dereitos e obrigas das asociacións que soliciten a súa inscrición, así como fixar o seu obxecto, que será permitirlle ao Concello da Guarda coñecer o número de entidades existentes no municipio, os seus fins, representatividade e incidencia, para os efectos de posibilitar unha política municipal adecuada que contribúa a fortalecer o tecido asociativo do noso Concello.

O rexistro dependerá da Secretaría Xeral e a súa xestión e mantemento serán realizados pola Oficina Municipal de Información á Xuventude (OMIX), seguindo as directrices establecidas pola secretaría do Concello, se algunha asociación precisa de máis información ou asesoramento para rexistrarse, pode contactar no enderezo electrónico informacion@aguarda.es