CICLO LGTBI: QUEDA MOITO POR FACER A HOMOFOBIA, A VERDADEIRA ENFERMIDADE

Esta segunda entrega tivo lugar nunha das salas do Centro Cutural da Guarda e versou sobre as ferramentas para vencer a homofobia ainda presente na nosa sociedade. No acto, aberto ao público, participaron, Estela Fernández, experta en igualdade e que xa participou na primeira charla, que contextualizou o tema a tratar, a homofobia, nas súas distintas manifestacións e de como "a educación debe ser a principal inversión para o futuro".

En segundo lugar Carmen Gallego, unha das impulsoras da primeira lei contra a discriminación LGTBI en España como parlamentaria do PSdG-PSOE, explicou a gran importancia de algúns aspectos desta lei aprobada en 2014 no Parlamento de Galicia que non están sendo aplicados na actualidade para mellorar a visibilización do colectivo, como poden ser os escasos recursos para a educación en diversidade ou as distintas campañas nas que sempre esquecen que xa non só existen parellas e familias heterosexuais. Tamén explicou que "toca agora rematar o traballo comezado fai dez anos, agora toca acadar a total igualdade sexual, ainda que os conservadores sigan poñendo trabas."

Os obxectivos deste ciclo son, en primeiro lugar a visibilización do colectivo LGTBI como colectivo ainda discriminado na nosa sociedade; a concienciación, por medio da participación activa do público nestes coloquios, para chegar a cada vez máis xente para a loita pola igualdade real, e en terceiro lugar, a conmemoración dos 10 anos dende a aprobación da Ley do Matrimonio Igualitario, polo goberno de X.L. Rodríguez Zapatero.

"As XSG - A Guarda buscamos abrir na sociedade guardesa temas tabú ás veces agochados no noso día a día como son a transexualidade, a homofobia ou a discriminación laboral, ainda presentes no noso pais para o colectivo LGTBI; tamén mostrar ferramentas para axudar a eliminar todolos estereotipos creados por décadas de rancio conservadurismo que ainda impregnan a nosa sociedade. Agradecemos a participación de todos e todas e esperamos a vosa presenza na próxima charla que versará sobre a educación en diversidade", así pechou o acto o Coord. LGTBI das XSG-A Guarda, Iván Rodríguez, agradecendo a súa presenza ós presentes, entre os que se encontraban distintos membros das agrupacións socialistas do Baixo Miño e membros da executiva galega das XSG.

Tamén durante a tarde do sábado as XSG-A Guarda realizaron un reparto de información porta a porta sobre os proxectos socialistas levados a cabo nestes meses de novos gobrnos autonómicos co Candidato o Senado pola provincia de Pontevedra, Abel Losada. xunto con Bárbara Domínguez, Secr. Xeral das XSG-A Guarda, Aitor Bouza, Secr. Xeral das Xuventudes Socialistas de Galicia e Silvia Neira, Coord. Provincial das XSG, asi como membros da executiva local dos Socialistas da Guarda e Oia.