Comunicado da Confederación Intersindical Galega sobre a situación na factoria guardesa de IKF

A Confederación Intersindical Galega (CIG), por medio da presente, despois da publicación feita por CCOO Industria en Infomiño o dia 28.09.2021, ven a manifestar o seguinte:

A finais do ano pasado, celebráronse as eleccións sindicais no centro de traballo de IKF, mais coñecida por As Cachadas. Nesas eleccións deuse un resultado de 3 delegados para a CIG no colexio de Especialistas e 1 para CCOO e no de Técnicos 1 para a CIG. Cabe manifestar que no colexio de técnicos presentábase o “ líder sindical de CCOO na planta de IKF, na que tan só tivo 3 votos fronte aos 9 da CIG.

Con respecto ao acordo que asinou o anterior comité de empresa, diante do AGA, manifestar que ese papel do pacto, NUNCA estivo exposto no taboleiro, tal e como manifestan os traballadores e traballadoras.

De tódolos xeitos nese documento de pacto que non fora entregado co resto da documentación, manifestase que todos as persoas que se incorporaran a partires do ano 2018, percibirían o salario do convenio estatal, e os anteriores a 2018 cobrarían o salario pacto convenio IKF. Tamén se manifesta que sería revisado anualmente en base a uns criterios económicos, seguridade etc. Cumpre resaltar que pasaron 4 anos e non se revisou nunca.

Nos 18 anos que CCOO tivo a maioría no comité , nin sequera, tiñan un Regulamento do Comité de empresa, e xuntábanse cando lle apetecía ao gran xefe sindical, e cabe sinalar que ACTUALMENTE ESA PERSOA E O SEGUNDO DA DIRECCIÓN, e man dereita do Director de Planta, pasando da categoría de PEÓN a TECNICO, descoñecendo os compañeiros e compañeiras como chegou a ascender a tal posto de dirección.

Resulta vergoñento a animadversión de CCOO contra os traballadores e traballadoras que manteñen unha folga de máis dun mes cando ademais o seu único delegado , está a traballar, sendo ademais o Presidente do Comité Europeo de IKF. Está é a defensa que fai CCOO dos traballadores e traballadoras?.

Que busca CCOO para saír no medio dunha folga aos medios de comunicación non para apoiala senón para tratar de boicoteala?

E curioso que tanto CCOO coma a dirección da empresa coincidan que para negociar se teña que desconvocar a folga. Ten tan esquecido CCOO que a folga é a ferramenta da que dispoñen os traballadores para presionar as patronais?. Negociase con presión non entregándose nos brazos da patronal que parece ser o que pretende CCOO.

Como nos explican que o “líder de CC.OO” nese centro de traballo estando a plantilla en situación de folga indefinida dende o 14 de xullo ate o dia 29.07.2021, estea dado de alta dende o 24.07.2021. Como se atreve CCOO a criticar as actuacións dos demais cando eles actúan como auténticos esquirois?.

Nos seguimos defendendo que a dobre escala salarial non se debería aplicar, e tratamos en todo momento de achegar posturas coa empresa, pero a empresa agárrase ao pacto anterior e unha vez amarrou esas condicións de traballo, non están dispostos a conceder algo que cada ano que pasa , supón mais beneficios para a patronal.

Cando se fala de dobre escala salarial estamos falando que traballador@s que facendo o mesmo traballo teñen unha diferenza salarial anual de 5.200 €.. Iso foi o que asinou o anterior comité e que manifestaron en asemblea que sería revisado anualmente e non se fixo.

Tamén existen diferenzas a hora de pechar o pacto como é as vacacións que queren que sexan desfrutadas cando lle pete a empresa, a flexibilidade da xornada para que se traballe os sábados a tarde, baixas de IT, incrementos salariais, que só se limitan ao convenio estatal e categorías profesionais, que despois dunha vida traballando na empresa non pasan de peóns.

Na mesa de negociación en prol de chegar aos acordos necesarios, chegamos a propor unha dobre escala salarial a 3 anos, para que o comezar o 4º ano se integrara no salario pacto de IKF, e ao máximo que chegou a empresa a propor e de 8 anos, condicionado a indicadores de seguridade, calidade, produtividade e dispoñibilidade, algo que evidentemente convertería ese pacto “ sinedie”, algo que pola nosa parte non imos consentir.

O Comité de Folga, fai uns dias enviou por email a Dirección de IKF en Francia un escrito onde manifestaban a situación que esta acontecendo na negociación , para que a Dirección Central en Francia coñeza a versión dos representantes d@s traballador@s.

Dende a CIG, estivemos e estamos na mesa de negociación para mudar e mellorar as condicións de todos e todas as traballadoras e traballadores,. Dende logo non vamos vendelos tal e como se fixo en pactos anteriores.

Así pois, non imos consentir que se poña en dúbida as actuacións da CIG, máxime dende unha opción sindical que a dia de hoxe aínda non tivo a “delicadeza” de presentarse diante dos traballadores e traballadoras durante todo este tempo de folga , para mostrarlle a súa solidariedade.

Sen mais manifestar que por parte da CIG, estaremos sempre na defensa dos postos de traballo de IKF así como na mellora das condicións laborais e unha vez máis chamamos a empresa a que poña, lugar, dia e hora para solucionar o conflito canto antes.