Continúa o debate sobre a situación das depuradoras no municipio de Oia

Con todo isto o Partido Popular cegouse pola soberbia de ter maoría, executando e gobernando sen pensar nas veciñas e nos veciños de Oia, votando en contra de esta e das 350 emendas presentadas no Parlamento Galego polo Bloque Nacionalista Galego .Foron 350 NONS que converteron o debate dos orzamentos , o debate máis importante do ano, nun trámite burocrático.O PP fixo unha emenda á totalidade á democracia negándose a dialogar e a provocar cambios que sexan útiles para mellorar a vida das persoas e facer progresar a Galiza.

Por outra banda, a rexedora de Oia, Cristina Correa, na actualidade ten a oportunidade, a través da partida orzamental que recibíu do Plan Concellos da Deputación de Pontevedra ( 433.637,55€) a destinar unha parte importante para acomenter o traslado destas depuradoras, ou, construír unha nova mini EDAR, a pesar de que os problemas de malos cheiros derivan dun nulo mantemento por parte do Concello,e, foron instaladas na localización actual a petición do Concello.

Así mesmo cabe resaltar que as plantas das depuradoras foi financiada a través do proxecto Deputrans con fondos europeos que está a ser investigado polas autoridades europeas ante a falla de xustificación económica achegado polo goberno provincial cando gobernaba o mesmo partido político que agora goberna o concello de Oia, o Partido Popular.

Por tanto, desde o BNG de Oia agardamos que o grupo de Goberno xestione axeitadamente a partida do Plan Concellos da Deputación de Pontevedra, destinando unha parte deste orzamento para a mellora do servizo das depuradoras,e , a súa vez colabore e sexa transparente ante as autoridades europeas, pudendo incluso, presentar denuncia propia ante a Unión Europea para clarexar os feitos.

O conformismo dalgúns partidos políticos resulta verdadeiramente lamentable, e denota o pouco coñecemento que teñen sobre o Concello de Oia e as súas necesidades, e o pouco interese que teñen en solucionar os problemas dos nosos veciños e veciñas.

As Deputacións están para axudar aos concellos máis pequenos, como é o noso, polo que aparte da cantidade que corresponde a cada un por razón do territorio, da dispersión e da poboación, as deputacións sempre axudaron vía convenios a moitos deles, como fan outras institucións (por poñer un exemplo, no ano 2016, só Vigo recibiu 18 millóns de Deputación fora do Plan Concellos).

Do Plan Concellos 2017, a emprego van destinados 100.000 euros, a gasto corrente e débedas 65.000 euros, e o resto a obras e subministros. No ano 2016, grazas a estes fondos se puideron acometer obras tamén necesarias como a canalización de pluviais da Praza Centinela, a terminación do camiño da Calzada, o inventario de bens, a mellora e ampliación do parque infantil do Serrallo, tramos de saneamento e abastecemento, a escavación do terreo para o depósito de Chavella, subministro de sinais, papeleiras, postes de luz, marquesiñas, entre outros. Sen estes fondos, non se poderían ter acometidas estas obras tan necesarias.

Conformarnos co pouco que recibimos e esperar que se solucionen tódolos nosos problemas unicamente co Plan Concellos é ben triste e suporía un grande atraso para a mellora de moitos servizos básicos do noso municipio. Se todos aplicasen esta política, e tódalas institucións nos remitisen ao Plan Concellos, serían inviables moitos investimentos, como o do saneamento das Mariñas -cuxa inversión prevista pola Xunta de Galicia é de 300.000 euros-, o saneamento de Cardorrío, e o saneamento no tramo da PO-552 a altura de Pedornes, tamén financiadas pola Xunta de Galicia, e moitas outras; polo que confiamos que tódalas institucións se impliquen e colaboren en resolver estes problemas.

Non obstante, dende o Concello estamos traballando en mellorar o servizo das depuradoras, por iso, recentemente se lle deu prioridade e se solicitou unha subvención á Xunta de Galicia para acometer melloras nas instalacións, e na última comisión de goberno do Concello, acordamos contratar o servizo de mantemento preventivo e correctivo a unha empresa externa.

Este equipo de goberno avanza e traballa dende o presente por mellorar o futuro de tódolos veciñ@s, aínda que siga habendo quen se emperre en vivir no pasado.

Sobre esta problemática dende o PSdG-PSOE de Oia manifestaron:

O grupo municipal do P.S.O.E de Oia desexa aclarar a todolos veciños a historia das depuradoras.
Cronolóxicamente o proxecto comeza cando o Sr Louzán, presidente da Deputación ata o 2015, e, o entón alcalde, Alejando Rodriguez, deciden instalar as mal chamadas depuradoras nas parroquias de Burgueira e Loureza, co fin de sanear a conca do Miño, dentro do proxecto chamado Deputrans cofinanciado pola U.E. cun orzamento total de 8.147.501.00€.
Ambos visionarios non tiveron en conta, a inexistencia de colectores de saneamento e nalguns casos, a falla de conexión a rede eléctrica . Ante isto deciden trasladar a sua ubicación para a Costa, disvirtuando desta maneira o fin para o que forón destinadas no proxecto.

Non rematan eiqui os problemas, senón que, osadamente, tres de elas as instalan en terreos calificados no seu momento como parque acuícola ( zona Ourelludas), unha para a parroquia de Pedornes e outras duas para depurar as augas da parroquia de Oia, e malinstalando as restantes en Porto Senin e no Porto de Mougás, sen os requeridos informes previos entre os cales o estudo de impacto medioambiental.

Para as duas depuradoras destinadas a parroquia de Oia encontramonos de novo que non se tiveron en conta a falla de potencia eléctrica e a carencia de tuberías, problema subsanado grazas o PLAN E de Zapatero cunha inversión de 600.000 €.

Intentar esquecer agora todolos problemas xerados por estas actuacions, indica claramente o desexo de tapar a incompetencia demostrada polo actual equipo de goberno, nestes últimos 15 meses, limitándose a Srta. Correa a votarlle a culpa a actual Deputación, por non sufragar os gastos da posible construcción dunha mini E.D.A.R.

Neste intre convendría recordarlle a Srta. Correa que, a actual Deputación, no ano 2016 invertiu 553.954€ no concello. Sendo, Oia, o concello que mais diñeiro percibiu por habitante de todo o Baixomiño, concrectamente 144.16€ por veciño.

No tempo de goberno do equipo "PP-CG" ( 15 meses), non se fixo ningunha xestión referente ás depuradoras ata hai 2 meses, data na que os veciños presentaron mais de 700 firmas esixindo a actuación urxente do concello para solucionar este problema . Según parece a Srta. Correa o descoñecia.

Intentar desviar a responsabilidade cara a Deputación, cando eles mesmos foron os causantes do problema, non fai mais que mostrar a falla de iniciativas do grupo de goberno, ou o que seria peor, o desexo de que non se fale da investigación emprendida pola U.E por falla de xustificación dos investimentos co diñeiro provinte dela.

Esta claro que a única política que a Srta. Correa segue, é a de " panem et circenses " ( pan e circo), facendo caso omiso das necesidades realmente prioritarias dos veciños.

No que si, estamos dacordo ca Srta. Correa é, en que ninguen quere que volte o pasado. Afortunadamente Oia tivo cinco meses de claridade e, desgraciadamente, volveu o oscurantismo, ca Srta. Correa tan ben representa.