CONVERXENCIA GALEGA DE A GUARDA PIDE A ELABORACIÓN DUN PLAN DE EMERXENCIAS MUNICIPAL

A Guarda ten un termo municipal moi pouco extenso (20,5 km2); pero cunha alta densidade de poboación (+505 habitantes por km2). Unha densidade humana que en moi poucas zonas de Europa existen, fóra das grandes urbes metropolitanas (Londrés, Paris, Moscú,...). Pero ollando a nosa estructura de ocupación do territorio, a inmensa maioría da poboación do Concello de A Guarda, viven en apenas 7 Km2; o que fai que a densidade real sexa moito máis alta, que a recollida nas diferentes estadísticas oficiais, así a zona urbana da vila guardesa ten valores superiores ós 1.300 habitantes por km2.

Despois de algo máis dun ano en funcionamento do servicio do GES, é evidente que debemos implementar máis medidas de seguridad para os nosos cidadáns; sendo necesarias que sexan recollidas nun documento que intente abarcar os máis variados e posibles riscos ós que teñamos que enfrontarnos. Entendemos que o fin do "Plan de Emerxencias Municipal" é anticiparse ante as posibles situacións de risco, coñecer que medios humáns podemos dispor, medios materiais, económicos, medidas de coordinación e un mando áxil,...

Nas situacións de emerxencia, unha resposta rápida e adecuda nos primeiros intres é un dos elementos máis importantes. No citado "Plan de Emerxencias Municipal" faise necesario ter elaborados plans de evacuación de edificios públicos e outros privados onde polas súas características acollen a gran número de persoas; ter un procedemento normalizado de evacuación de edificios; ter unha resposta entrenada, para minimiza-lo tempo de saida.

Este tema, durante anos estivo esquecido de todos, nunca pasou máis aló de figurar en algúns folletos de propaganda electoral. Pero, polos motivos que fose; nunca foi levado á realidade.

Ante isto; o grupo municipal de Converxencia Galega no Concello de A Guarda, propón o Pleno do concello a toma do seguinte acordo.

1º) Elaboración dun Plan de Emerxencias Municipal do Concello de A Guarda; onde participen membros da Policía Local, GES e profesionais de outros ramos.

A Guarda, a 30 de xaneiro do 2.015

Xosé María Martínez Rodríguez "Chechu"