CREACIÓN DA PRIMEIRA ASOCIACIÓN DE RESINEROS DE GALICIA

A resina dos piñeiros é un producto que a día de hoxe está sin explotar na nosa comunidade autónoma, aínda que hasta os anos 90 foi un producto que xerou numerosos postos de traballo nalgunhas zonas do territorio galego. Fluctuacións do mercado internacional dende aqueles anos fixeron que este tipo de aproveitamento fose abandonado na nosa comunidade e quedase como algo residual no resto do estado, pero estas mesmas fluctuacións tranformaron esa situación pasada de marxinación do producto e da súa explotación nun producto que é tremendamente demandado a día de hoxe, polo cal o número de resineros aumenta cada día en España. Europa solo produce un 10 % da resina que consume e o incremento da demanda de resina natural, en detrimento do uso de resinas derivadas do petroleo, fai que se vislumbre un futuro esperanzador para a nosa comunidade autónoma en caso de porse en marcha esta explotación.

Os novos métodos de resinación non danan a madeira de piñeiro, e pola contra, a explotación da resina conleva que a silvicultura dos nosos montes de piñeiro sexa a axeitada, pois o resinado implica ter os piñeiros podados, coa densidade idonea e desbrozados. Os piñeirais galegos carecen en gran medida desta silvicultura citada, polo cal, resinar o piñeiral implica extraer un recurso que a día de hoxe non se aproveita, xerar un número de postos de traballo que en toda Galicia poden acadar varios milleiros, beneficiar a producción de madeira de calidade e reducir o risco de lumes nos nosos montes.

Probas feitas recentemente en distintos lugares de Galicia demostran o potencial dos nosos piñeiros na producción de resina. As probas indican que os nosos piñeiros resinan máis e durante máis tempo do ano que no resto da península. Se a isto lle sumamos que Galicia é a maíor potencia en piñeiro en España, é facil chegar a conclusión da gran oportunidade que se nos presenta.

A primeira asociación de resineros de Galicia, que mañán procederemos a crear, busca chamar a atención das autoridades autonómicas, que son as competentes para regular e autorizar o aproveitamento, para se se regule claramente este aproveitamento, divulgar os beneficios do resinado dos piñeiros nos nosos montes e servir como interlocutor válido ante propietarios, administracións e outros colectivos relacionados co noso monte, para que dunha vez por todas se desbloquee a situación de paralisis na que Galicia está con respecto a este aproveitamento que pode marcar un "antes e un despois" no sector foretal galego.

Convidamos a todo aquel que esté interesado no tema a que se presente no día e hora indicada para recibir a información que poidamos proporcionar e mesmo para asociarse. Para todo aquel que non tivera tempo a presentarse na asamblea pero esté interesado en asociarse deixamos indicado un correo electrónico provisional donde tentaremos respostar a todas as dúbidas e inquedanzas dos interesados: arega16@hotmail.com