EDUCACIÓN RECORDA QUE INVESTIU PRETO DE 700.000 EUROS NOS CENTROS EDUCATIVOS DA GUARDA

Os centros da localidade víronse beneficiados de diversas reformas destacado a instalación de fontanería, a reposición da cuberta e da reforma da instalación eléctrica do CEIP Manuel Rodríguez Sinde; a reforma eléctrica e dos aseos da planta baixa e primeira planta do colexio A Sangriña; a reforma da instalación eléctrica e a reparación de estructuras do CEIP As Solanas, así como a instalación eléctrica da Escola Infantil das Gándaras.

Tal e como asegurou o xefe territorial, todos os centros educativos da localidade son coñecedores destes investimentos, "algúns deles executados a raíz da falta de mantemento dos colexios, labor que compete ao concello, entre outros o canlón do Manuel Rodríguez Sinde, que se atopa deteriorado a causa da falta de limpeza, tal e como consta no informe da Unidade Técnica".

Tamén recordou Pérez Ares que a xefatura territorial asume o mantemento do IES da localidade, onde se ren investido nestes anos 371.000 euros, tanto na reposición da cuberta do pavillón e da zona de talleres, como da instalación eléctrica dos obradoiros e da rede de datos do centro.

Pérez Ares insistiu en que o concello, e en concreto o concelleiro de Educación, debe destinar tamén fondos propios para o mantemento dos colexios, asi como tamén é coñecedor de que o pavillón da Solana que se atopa anexo ao colexio do mesmo nome é un edificio municipal, construído nunha parcela municipal, e executado a través de diversas subvencións ao longo do tempo. "Agora é o momento de que prioricen o cambio da cuberta e mellora desta instalación a través deste novo plan provincial", explicou o xefe territorial quen recordou que este pavillón é usado en horario lectivo polos alumnos do centro e tamén polo resto de veciños e asociacións deportivas.

Dende a Xefatura Territorial pregúntaselle ao concelleiro de Educación de A Guarda, Antonio Lomba, cantos fondos municipais pensa destinar a investimentos de mellora dos centros educativos do concello, "xa que nos últimos anos a súa colaboración foi escasa alegando recortes orzamentarios", e se lle recorda que a administración autonómica non só ten que atender aos centros educativos de Primaria senón tamén asumir o mantemento e mellora do instituto da localidade.

Pérez Ares rematou recordándolle ao concelleiro de Educación que no ano 2006 xa se lle solicitou ao Goberno autonómico do Bipartito varias obras que non foron asumidas póla administración autonómica e que, sen embargo, foron posteriormente postas en marcha pola presente Xefatura Territorial.