EMOTIVA HOMENAXE A JULIA SOBRINO NA GUARDA

Nesta edición a directiva de Mulleres Progresistas decidiu homenaxear a Julia Sobrino González, muller loitadora e cunha amplia traxectoria en distintos ámbitos como son o social, o cultural, o político e o empresarial.

Julia Sobrino é un referente importante para as mulleres progresistas deste pobo e a asociación quixo agradecerlle toda a labor realizada durante estes anos. Así no ámbito cultural Julia realzou a poesía, o teatro, o baile tradicional galego, e traballou na recuperación do traxe galego da Guarda. No ámbito social organizou e participou en distintos Festivales Benéficos. No ámbito político foi a primeira concelleira socialista da Guarda, participando activamente no traballo municipal. E finalmente no ámbito empresarial foi xerente durante décadas dun emblemático establecemento comercial.

A directiva da asociación fíxolle entrega dun agasallo en recoñecemento a súa labor realizada en beneficio do pobo da Guarda.