ESPECIAL - A GUARDA ACOLLE A ACTIVIDADE MEDIOAMBIENTAL -MERGÚLLATE NO OCÉANO- CAMPUS DO MAR

Na mañá do pasado Venres día 23 de Agosto de 2013 tiña comezo na Praia do Muíño de A Guarda a actividade "MERGÚLLATE NO OCÉANO".

Trátase dun proxecto de Divulgación Científica Mariña do Campus do Mar que pretende convidar ós cidadáns a coñecer o mar en profundidade cunha proposta divulgativa para todas as idades. Tan só percorre cinco vilas galegas e A Guarda é unha das escollidas.

Durante este dous días, venres e sábado (de 11 a 20:30 h), instalase no acceso da Praia do Muíño un pequeno laboratorio de investigación en ciencias e tecnoloxías mariñas onde os participantes poderán sentirse como auténticos científicos mariños realizando coas súas propias mans sinxelos experimentos e descubrindo como funcionan os océanos.

Na mañá do venres o Director do Campus do mar, Emilio Fernández, o Alcalde da Guarda, José Manuel Domínguez Freitas, membros da corporación municipal e o Coordinador do proxecto, Jorge de los Bueis, inauguraron esta actividade percorrendo os 7 obradoiros e descubrindo de onde procede o peixe que comemos habitualmente, como funcionan as correntes mariñas, etc.

Aqueles que queiran participar nesta experiencia recibirán á entrada un pasaporte que deberán ir selando en cada un dos talleres a medida que van completando as diferentes actividades propostas, que inclúen ámbitos tan variados como a Ecoloxía, a Bioloxía, a Oceanografía ou as tecnoloxías aplicadas ao medio mariño. Unha vez dispoñan de todos os selos serán xa uns auténticos científicos mariños e poderán cambiar o seu pasaporte por un pequeno regalo á saída.

O tempo de realización da actividade ronda os 50 minutos, nos que técnicos especializados guíarán ós participantes polos diferentes stands.

FOTOGRAFÍAS

Fotos de Jorge Alonso Daldea

VIDEOS