ESPECIAL - ALFOMBRAS FLORAIS DO SANTÍSIMO 2014 NA GUARDA

O municipio de A Guarda acolleu a pasada fin de semana as Festas do Santísimo e celebración do Corpus coa confección das tradicionais alfombras florais e a Procesión do Santísimo. Dende primeira hora da noite do sábado veciños das rúas e colaboradores comezan marcando o deseño das laboriosas alfombras, para proseguir coa confección das mesmas con flores e sal.

Os participantes neste laborioso e complicado traballo pasan toda a noite preparando este lucido velo de flores, pero é un traballo que xa se leva adiantando dende fai meses en numerosos baixos e bodegas familiares, coa preparación das flores, pétalos, palla e demáis compoñentes empregados na confección das mesmas.

Este ano a Praza do Reló e mailas rúas Ignacio Sobrino, Oliva, Hernán Cortes, José María Lomba Peña, Malteses e Concepción Arenal foron as rúas engalanadas cos tapices florais, ademáis na Ribeira destacou o deseño elaborado con sal tinguida de cores, que tamén se reproduxo noutra rúa cercana, aínda que as coivas de primeira hora da mañá desfixeron o traballo de toda unha noite.

Moitos veciños da comarca e visitantes achegáronse para coñecer a súa elaboración durante a noite e o seu elaborado resultado antes da Procesión do Santísimo, que dende as 12:30h do Domingo percorreu as rúas.

Este ano o factor predominante foi a choiva, que a primeiras horas da mañá obrigaron a arranxar algunhas das alfombras florais das rúas con máis pendente, afectando en maior parte as confeccionadas con sal tinguida.

Ás 12:00h comezaba a misa do Santísimo e sobre ás 12:30h a procesión, que saíu dende a Igrexa parroquial de A Guarda, chegaba ata a Praza do reló, momento no cal se bendeciron as bandeiras do Concello e se lanzaron flores dende as balconadas, soltando tamén algunhas pombas.

A procesión seguiu polas rúas nas que se confeccionaron as alfombras florais durante a pasada madrugada, realizando diferentes paradas nos altares ubicados no seu percorrido.

A procesión foi seguida por moitos visitantes e guardeses que se congregaron nas rúas da vila para ver pasar a procesión e algúns deles a seguiron desde as súas casas, lanzando flores dende os balcóns ó paso da procesión.

ELABORACIÓN E CONFECCIÓN

Fotos de Jorge Alonso Daldea

ALFOMBRAS REMATADAS

Fotos de Sara Carrera Coímbra