Especial - As asociacións da Guarda amosan o seu traballo

Contando con 25 asociacións participantes, o encontro tivo lugar no exterior e interior do Centro Cultural entre as 10:30 e as 21:00 horas, onde se celebraron mostras instrumentais, obradoiros, charlas-coloquio, exhibicións e actuacións -entre outras actividades- coas que se amosaráou ao público o traballo que estas asociacións guardesas desenvolven durante todo o ano. Amais, contouse cunha zona expositiva, onde os visitantes puideron informarse e mesmo inscribirse nas actividades ofertadas por cada unha das organizacións.

Exhibicións e actuacións
O evento comezou ás 10:15 horas co pasarrúas a cargo de O Trebón dos Xidos e, deseguido, tomaron o testemuño as exhibicións deportivas, coas mostras do Ximnasio Domajó (11:00 h) e a Asociación Studio 88 (11:30 h). A Asociación Érguete Baixo Miño ofertarou unha charla-coloquio chegadas ás 12 h, namentres o Centro Deportivo Baixo Miño amosou cunha exhibición as actividades que oferta ás 12:30 horas.

Xa pola tarde, esta primeira edición da Mostra Asociativa continuou coa actuación do grupo de gaitas A Boalleira (16:00 h), pertencente á Asociación O Percamino, e a exhibición de baile tradicional e moderno da Asociación Xamaraina (16:30 h).

A Asociación Do Lusco ao Fusco, pola súa parte, ofertou un obradoiro de baile tradicional ás 17 h, ao que seguíu a actuación da Asociación Folclórica Vento Mareiro (17:30 h).

O filme "Sonata para violonchelo", que se proxectou ás 18 h, foi a aposta da Asociación de Enfermos de Fibromialxia do Baixo Miño (Fibromiño) para achegar ao público parte da labor de apoio e información que esta organización desenvolve.

A tarde continuou coas actuacións do Grupo de corda Antorcha (19:30 h) e o Coro Arpegios Cantabile (20:00 h), namentres outras asociacións celebraron outras actividades durante o día; así, por exemplo, a Asociación Avelaíña celebrou diferentes obradoiros e a Cruz Vermella instalou a exposición "Familias acolledoras" para o seu desfrute durante a xornada.

Obxectivo da iniciativa
Esta primeira edición nace a raíz das reunións mantidas, durante os dous últimos anos, entre o Concello e as asociacións guardesas co obxectivo de fomentar a colaboración e a organización en común de eventos e outras iniciativas que poñan en valor o rico tecido asociativo co que orgullosamente conta a nosa vila.

Así, a I Mostra Asociativa servíu, por unha parte, como punto de encontro no que compartir experiencias entre as asociacións participantes e, igualmente, para amosar a toda a poboación as posibilidades dispoñibles na nosa contorna para realizar actividades, practicar deporte, compartir experiencias etc, convertendo o encontro nunha festa asociativa cargada de actividades diversas influindo na participación de todo aquel que se achegou ata a mostra.