ESPECIAL - O PRESIDENTE DE PORTOS DE GALICIA VISITOU AS OBRAS EXECUTADAS TRALOS TEMPORAIS NO PEIRAO GUARDÉS

Acompañado do alcalde, José Manuel Domínguez Freitas, do xefe da zona sur de Portos de Galicia, e representantes municipales do Partido Popular, fixeron un percorrido polas inmediacións do Porto da Guarda para visualizar de primeira man as obras realizadas nesta zona. 

Portos de Galicia vén de investir máis de 15.000 euros na reparación e actuacións de mantemento e conservación do peirao do municipio pontevedrés da Guarda. Así o comunicou esta mañá o presidente do ente público, José Juan Durán, nunha visita á zona na que xa se atopan solventados a maior parte dos problemas ocasionados polos sucesivos temporais deste inverno, a excepción da reparación do dique, pendente das condicións climatolóxicas.

As actuacións de reparación dos desperfectos causados polos fenómenos meteorolóxicos adversos centráronse nas zonas de acceso ao porto, a explanada e o paseo marítimo. A maiores, executáronse traballos de mantemento no edificio da confraría de pescadores a petición do propio colectivo profesional.

En concreto, no paseo marítimo, repuxéronse os adoquíns de pedra e baldosas de pizarra desaparecidos, recolocáronse os pasos de pedra e as escaleiras, taponouse un socavón de tres metros, retiráronse as pedras desprendidas da escollera e repuxéronse as sinais de advertencia que voaran. Ademais, reparáronse os socavóns no pavimento do acceso ao porto e a explanada e substituironse os tramos de barandilla desprendidos. Finalmente, reparouse tamén un canalón do edificio dos departamentos de usuarios.

Polo que respecta ao edificio da confraría, elimináronse as filtracións de auga da choiva no edificio da lonxa, no garaxe e no galpón do cabestrante. No garaxe foi preciso a retirada do tellado e o seu selado, recolocándoo posteriormente e recubríndoo con tella nova.

Segundo José Juan Durán: "Pretendemos arranxalos o antes posible. Sobre todo a praia do carreiro, que será unha das primeiras obras que levemos a cabo". "Son tempos difíciles para grandes investimentos, pero as pequenas actuacións son moi importantes".

O alcalde da Guarda, José Manuel Domínguez Freitas, mostrou a necesidade de que a praia do carreiro esté arranxada antes do verán, e destacou a importancia de mellorar o aspecto da zona da Atalaia. Ademais, no quixo rematar a visita sen tratar un aspecto que xa fai tempo que lle preocupa, como é o da rúa do Porto, unha zona peonil que é transitada por vehículos.

Fotos de Jorge Alonso Daldea