ESPECIAL - RESCATE DUN PESCADOR FERIDO NA COSTA SUR DE A GUARDA

Sobre as 17:00h da tarde tiña lugar, na Praia do Puntal en Camposancos A Guarda, un suceso que a piques estivo de cobrarse a vida dun pescador de a pé.

O pescador, Nicanor G. L. de 74 anos de idade, atopábase nunha rocha na zona intermareal realizando pesca deportiva cunha cana, cando se víu sorpendido e atrapado pola marea que xa estaba case na pleamar.

Neses intres, na zona de praia se atopaban Saray Pena Pérez e o seu pai Antonio Pena Lomba, disfrutando dun fantástico día de praia. Casualmente Saray é Socorrista e monitora deportiva na Piscina Municipal de A Guarda.

Saray percatouse de que Nicanor tiña problemas, e momentos despois poido contemplar como caía á auga, levado por un golpe de mar. Inmediatamente proceden a dar aviso ó 112 e case sen pensalo, o seu pai Antonio tomou a iniciativa de iniciar un rescate, seguido pola súa filla se introduciron na auga e lograron chegar a nado ata Nicanor, levandoo ata unha rocha cercana entre o embate das ondas. Como a ondaxe era constante e a rocha onde se atopaban non ofrecía seguridade suficiente para os tres, decidiron trasladar a Nicanor ata unha segunda rocha, de maiores dimensións, onde agardaron a asitencia dos equipos de emerxencia. Nicanor presentaba múltiples contusións nunha perna e agradecía a atención prestada por Saray e Antonio "se chego a estar tres minutos máis na auga non o conto".

Membros do GES de A Guarda, 061 e Policía Local trasladados ata o lugar contemplaban impotentes ás tres persoas atrapadas pola marea na rocha, a uns 50 metros da liña de marea, sen poder prestar axuda ante o avance da marea, que sobre ás 17:30h chegaba ó seu punto máis alto, imposibilitando calquera actuación dende terra.

Daquela decidíuse dar aviso a medios de rescate aéros, que por razóns que se descoñecen, tardaron 1 hora en chegar ata o lugar do suceso, facendo presenza o helicóptero Helimer 215 de Salvamento Marítimo, que procedeu a rescatar en primeiro lugar a Nicanor, seguido por Saray e en último lugar o seu pai Antonio, que foron levados posteriormente ó Aeroporto de Peinador-Vigo, onde Nicanor foi trasladado nunha ambulancia do 061 ata un hospital da cidade olívica.

Final feliz neste suceso, que pon de manifesto unha vez máis que ó mar hai que terlle moito respecto e que é preciso, dunha vez por todas, contar con medios de emerxencia coordinados e adaptados con tempos de actuacións mínimos(non 1 hora) e con persoas coma Saray e Antonio, grazas ás cales Nicanor pode contar esta experiencia.

	Fotógrafo:	Jorge Alonso Daldea
	Fecha:	10 de Setembro de 2014
www.infomiño.com © 2014. Todos los derechos reservados.	Cámara:	Canon EOS 350d