Especial- A Deputación de Pontevedra presentou o Estudio de Mobilidade do Núcleo Urbano de A Guarda

O deputado provincial de Mobilidade, Uxío Benítez, presidíu na mañá deste martes día 21 de febreiro de 2017, a presentación pública dos resultados do Plan de Mobilidade realizado pola Deputación provincial para o Concello de A Guarda.

Nesta presentación, na que estiveron presentes boa parte da corporación local e representantes da Deputación de Pontevedra e da empresa redactora deste proxecto de mobilidade, presentáronse e analizáronse as diferentes opcións encamiñadas a mellorar a mobilidade da vila guardesa.

Neste Plan se establece que as rúas son un espazo público, para negocios, que evolucionan e poden ser cambiadas e que se debe de actuar sobre as mesmas deseñando estratexias que melloren tamén a seguridade dos seus usuarios.

Nun primeiro diagnóstico, o Plan analiza diferentes situacións coma a peonil(Falta de espazos peonís específicos, problemas de accesibilidade e de seguridade vial, potencialidade da comunicación de núcleos e de espazos compartidos), a ciclista(Falta de espazos ciclistas específicos, problemas de seguridade vial, potencialidade de comunicación entre núcleos e potencialidade recreativa e turística) e a do Transporte Público(Baixas frecuencias a nivel comarcal, problemas para autobuses con fins turísticos na vila e a potencialidade dunha estrada/corredor).

Neste aspecto o Plan analizou a rede viaria existente e estacionamento da vila, indicando que a estructura viaria existente está baseada en vías territoriais coma a PO-552, cunha carencia de vías estructurantes municipais e urbanas, así coma a carencia de estacionamentos no núcleo urbano, coas potencialidades de novas vías que se poden proxectar ou planificar e de espazos de estacionamento perifericos. Neste eido destaca a demana existente dunha excesiva participación do uso do automóbil, a existenza dunha ampla porcentaxe de alumnos que se dirixen ós centros de ensino a pé e a potencialidade que ten os usos peonís e ciclistas.

O Plan plantexa ó Concello de A guarda varias vías de solución á problemática existente sobre os accesos á zona portuaria, ben cunha saída/acceso sur que enlazaría coa estrada de circunvalación e cambios na rúa Concepción Arenal.

Todas estas propostas deberán de terse en conta á hora de realizar futuras accións no núcleo urbano de A Guarda, posto que repercuten positivamente nun modelo de mobilidade sostible que redundará positivamente na vida das persoas, no uso dos espazos públicos, na seguridade vial e mesmo no aproveitamento turístico do núcleo urbano de A Guarda.