EXPOSICIÓN DE GRAVADOS DE ALFONSO VICENTE REY EN CAMINHA

ALFONSO VICENTE REY
gravuras / gravados

Con esta exposición quero mostrar algúns dos traballos que realicei nos últimos anos dentro da disciplina do gravado. Trátase dunha pequena escolma de estampas producidas en diferentes talleres e con diversos medios e propostas artísticas.

En síntese, é un percorrido cronolóxico iniciado no ano 2000 e que abrangue as etapas dun camiño marcado por a experimentación e a busca de recursos técnicos que me permitiran avanzar na creación de novas imaxes.

Desde as primeiras experiencias na Escola de Arte sentín unha especial predilección por o proceso e as obras creadas con sistemas de impresión tradicional. Na Facultade de Belas Artes continuei explorando medios relacionados co gravado e posteriormente nos diferentes talleres e cursos de verán, ata chegar aos traballos máis recentes. Nesta exposición reúno unha pequena selección de obra gráfica con técnicas que van desde o gravado en relevo e o calcográfico ata o carborundo e outras técnicas aditivas.

Por tanto, todas estas obras reflicten, en certa medida, as inquedanzas persoais impulsadas por a necesidade de crear novas imaxes cun sentido estético propio e a curiosidade por experimentar con procesos creativos que combinasen diferentes recursos.

Os horarios da galería son os seguintes:

Horarios de Portugal, de 9:30 ata as 13:00 e por a tarde de 14:00 a 20:00; fin de semana de 10:00 a 13:00 e de 14:30 a 20:00 (persoalmente estarei a fin de semana mañá e tarde, por a semana a partir das 17h ou 18h ata o feche a iso das 20h de Portugal).

A apertura é o Venres 25 de Setembro a partires das 16:00h aproximadamente.