NENOS E NENAS E ADULTOS APRENDEN NA GUARDA OS PROBLEMAS E RISCOS DO MAL USO DE INTERNET

Así, pola mañá, unha psicóloga da ONG "Pantallas Amigas" estivo con algúns dos alumnos da ESO do IES A Sangriña e do colexio Padres Somascos. Con estes nenos e nenas con idades comprendidas entre os 12 e os 14 anos, a profesional falou das diferentes redes sociais e contou casos reais de bulling ou casos de ameazas a través dos teléfonos móbiles.

Os alumnos e alumnas sorprendéronse de aquelas cousas que si son consideradas delito máis eles non o sabían. A psicóloga falou sobre as responsabilidades e intentou concienciar aos rapaces e rapazas sobre a non difusión daquelas fotografías ou vídeos que poden contribuír, por exemplo, a unha extorsión.

A charla foi moi dinámica e todos os nenos e nenas participaron nela.

Pola súa banda, pola tarde, a mesma profesional impartiu unha charla para adultos. Nela presentou as diferentes redes sociais que diariamente usan os seus fillos ou fillas ou alumnos ou alumnas.
A profesional neste encontro fixo moito fincapé na importancia de acompañar, máis que controlar, aos nenos e nenas no aprendizaxe e uso das redes sociais. Desta maneira salientou que é primordial que os profesores e pais e nais coñezan os usos de Internet e as súas responsabilidades.