Nidia Arévalo e Conchi Ortega fan balance do -ano perdido- do goberno da Deputación e do Concello de A Guarda

En canto á Deputación e no que respecta á Guarda, a voceira popular considera que foi un ano nefasto e expresou o seu malestar "porque non se fixera a obra prevista de Concepción Areal prometida fai un ano, que non se asinase acordo coas administracións para a escavación do poboado de Mergelina, en desconformes co Decálogo da Deputación para mellorar a seguridade vial, xa que é imposible de cumprir, e que ata o propio alcalde socialista recoñeceu no pleno como acudiu á Deputación con varios asuntos pendentes para as estradas da Guarda e veu de volta sen nada".

Unha serie de incumprimentos do goberno bipartito da Deputación e aos que lle hai que sumar os do Concello.

Ortega explica ademais que "como concello pequeno que somos non podemos estar contentos cunha Deputación que deriva os fondos para Vigo e Pontevedra, ou que desaparecerán as axudas de Acción Comunitaria, as axudas a agrupacións musicais ou institucions sociais como para a Fundación das Samaritanas.".

E como sabemos ademais como actúa a presidenta da institución provincial durante as sesión plenarias, tampouco podemos estar conformes coa falta de talante e cos continuos intentos de coartar á oposición, sen turnos de réplica, marcando continuamente os tempos, e coa limitación ata no número de mocións a presentar. "Unhas actitudes que intentan tapar a falta de xestión do goberno de Carmela Silva".

Con respecto ao Goberno local, os populares manifestaron o seu desacordo coa falta de planificación do turismo na Guarda, o mal estado e a falta de mantemento das praias, os camiños sen limpar, a falla de mantemento nas vías públicas municipais, nos parques etc.. e as numerosas queixas que nos chegan de veciños polos escándalos nocturnos da fin de semana.

Para nós un ano perdido no concello, a pesar da oposición construtiva do Partido Popular, coa presentación de 25 mocións que se aprobaron en moitos casos pero que non se cumpriron.