O ALCALDE DE A GUARDA EN CONTRA DA PROPOSTA SOBRE REDES DE DERIVA DA COMISIÓN EUROPEA

Igual que foi importante convencer ás autoridades comunitarias que a arte do xeito é unha rede moi selectiva, de pequenas dimensións e de carácter artesanal, as mesmas razóns haberá que facerlle chegar respecto da lampreeira ou do tresmallo que se empregan no Miño para a pesca da lamprea ou do sable. Nada que ver coas grandes redes de deriva oceánicas que seguramente precisan dunha normativa moi estricta.

Na conversa, o Comandante de Marina puxo de manifesto que non recibíu ningúnha orde de aplicación desa normativa europea e que pensa que, en todo caso, entraría en vigor para a vindeira campaña de pesca, dado que a normativa aínda ten que pasar pola aprobación do Parlamento Europeo. Está a favor de que se manteña esta pesca artesanal que supón o mantemento de moitas familias e que é moi selectiva. O Alcalde mostroulle o agradecemento por esta postura. Ó longo da mañán o Alcalde falou co Secretario Xeral do Mar quen lle confirmou que non hai regulamento definitivo, senón unha proposta que debe pasar polo Parlamento Europeo.

Por outra banda, o Alcalde falou co Patrón Maior da Confraría de A Guarda quen lle comentou que non recibira ningúnha indicación das autoridades da Xunta sobre a aplicación desta normativa. Este venres o Alcalde terá a oportunidade de abordar este asunto con Miguel Alves, Presidente da Cámara de Caminha, co propósito de facer unha fronte común para tentar variar unha normativa que afecta por igual ás dúas beiras.

Parlamentarios socialistas en Santiago, en Madrid e en Bruselas coñecen desta problemática e iniciaron xa xestións para correxir algo tan sen sentido e que tanto pode afectarnos.

A Guarda, 8 de xaneiro de 2015

O Alcalde,

José Manuel Domínguez Freitas