O Concello da Guarda lanza unha campaña de sensibilización en saúde mental en colaboración coa Asociación Avelaíña

O Concello da Guarda lanza unha campaña para sensibilizar sobre a saúde mental contando coa colaboración da Asociación Avelaíña. O acto, que tivo lugar na mañá do pasado venres día 22 no Concello da Guarda, contou coa  presencia de Antonio Lomba, alcalde de A Guarda; Fátima Rodríguez concelleira de educación; Patricia  Cuña, técnica da OMIX; Clara Suárez psicóloga de Asociación Avelaíña e Rafael Álvarez, Director Xerente da Asociación Avelaíña.

Tratase dun vídeo cun formato de animación que resulta atractivo para a poboación máis xove, permitindo unha difusión rápida e eficaz a través das redes sociais.

Desde o Concello transmítese unha gran preocupación polo empeoramento da saúde mental nos xoves que lles faen chegar desde centros educativos e familias. 

A adolescencia é unha etapa única e formativa e os cambios a nivel físico, emocional e social faen aos adolescentes vulnerables a sufrir problemas de saúde mental. A situación provocada pola pandemia elevou os factores de risco debido a illamento, restricións, incertidumbre, falecemento de familiares ou amigos, risco da propia saúde, etc.

Un Estudo de Unicef de 2021, "Estado Mundial da Infancia: Na miña Mente", amosa que a media de trastornos de saúde mental en xoves é en Europa do 13,2%, mentres que, en España, esa cifra elevase ata o 20,8%

Un estudo de Fundación Mutua Madrileña e Fundación FAD Juventud realizado a xoves, amosa que o 56,4% perciben que tiveron problemas psicolóxicos nos últimos 12 meses, pero a metade non pediu axuda profesional por vergoña, custe, ou non lle daban importancia.

O Concello contou para a elaboración do material da campaña, coa Asociación Avelaíña, entidade de referencia en saúde mental.

O vídeo compartirase nas redes sociais, medios de comunicación e farase chegar tamén aos centros educativos coa intención de que chegue ao maior número de persoas posibles e que tamén se utilice como ferramenta de traballo para entidades, profesorado, familias, etc.