O goberno de Carmela Silva destina máis de 20.000 ? do -Plan Concellos 2017- ao Concello da Guarda

Ao abeiro do "Plan Concellos 2017", anteriormente a institución provincial xa destinara á Guarda, dentro da liña 1, 262.490,29 € para a realización dun plan de accesibilidade, a adquisición de equipos informáticos, a adquisición dun deshumidificador industrial, a reparación da cuberta do pavillón municipal, a urbanización das rúas Cal e Subida a San Amaro, para a substitución das luminarias coas que está dotada actualmente a rúa Concepción Arenal e para proceder ao acondicionamento da rotonda de San Roque. Ademais, outros 84.017,69 € en liña 2 para o pagamento de gastos correntes e a realización de diversas actividades como o Entroido, a Gala do Deporte, a feira do libro, o Campus de Verán Deportivo ou o programa "Noites de Castelao", entre moitas outras. Finalmente, 163.609,06 € cos que A Guarda puido contratar a 17 persoas que desenvolveron as súas profesións nos distintos servizos municipais da vila.

Coa suma desta nova achega, A Guarda xa ten recibido da Deputación de Pontevedra o 73,2% do total do investimento que lle corresponde dentro do "Plan Concellos 2017", isto é, 560.636,15 euros dun total de preto de 766.000 €.