O PP DA GUARDA OPINA QUE HAI PRIORIDADES DABONDO NO CONCELLO, QUE NON PASAN POLA INCLUSIÓN NUNHA AREA METROPOLITANA DE VIGO

A portavoz do PP local amosa a súa total oposición a unha integración que supoña ser unha sucursal de Vigo, nas mans de Abel Caballero, nin tampouco están dispostos a que os veciños asuman o custe económico que suporía formar parte dela sen recibir ningunha compensación nin beneficio. Así, esixen coñecer cales son as regras do xogo. "Hai moitas preguntas que debe repostar o alcalde e dar explicacións á oposición, pero sobre todo aos veciños. Vai haber ponderación no voto? Canto é a aportación por habitante da Guarda?", preguntan.

E, engaden, o exemplo está en Vigo, que foi o único concello que non entrou a formar parte do plan de transporte metropolitano de Vigo, prexudicando claramente aos usuarios dos concellos próximos á cidade olívica. "Se esta vai ser a tónica da área metropolitana, sen solidarizade con outros concellos, non entendemos por que o alcalde estase precipitando en solicitar a inclusión da Guarda", valora a portavoz do grupo municipal Conchi Ortega.