O PP DA GUARDA PROPÓN A REGULACIÓN DAS PRESTACIÓNS SOCIAIS DE EMERXENCIA MEDIANTE UNHA ORDENANZA

Nesta liña, a voceira do PP local, Conchi Ortega, explica que é importante que haxa unha ordenanza que estruture e fixe os criterios e o procedemento para a concesión de axudas de emerxencia social, para facilitarlle o labor aos traballadores de servizos sociais, pero sobre todo polas persoas que reciben este servizo.

Tanto os usuarios como os técnicos de servizos sociais precisan de un procedemento regulado, pois aínda que existe unha ordenanza de servizo de axuda no fogar, no que respecta a emerxencia social non hai nin claridade nin confianza á hora de solicitar axudas sociais, polo que a ordenanza vería a solucionar o problema e beneficiaría a todas as partes implicadas.

"É importante que os recursos de emerxencia social cheguen a todas as persoas e todas as familias que o precisen, e o concello precisa con urxencia dun instrumento áxil e efectivo que fixe un procedemento e que teña en conta a todos veciños que necesitan destas axudas municipais que son un instrumento para previr a marxinación e a exclusión social", subliña Conchi Ortega.