O PP da Guarda solicita ao Goberno Local que elabore un plan de limpeza e embelecemento da vila

Conchi Ortega considera lamentable a deixadez do Goberno Local que permitiu e fixo a vista gorda durante este verán, poñendo a proba a paciencia dos veciños e visitantes. Beirarrúas sucias, con manchas de viño e de todo tipo, restos de botellón, camiños cheos de silvas,

O episodio máis grave produciuse, segundo a voceira popular , a fin de semana da Festa do Monte, á que acudiron á verbena do venres "Pola mañá, os centos de persoas congregadas na alameda e inmediacións, tiveron que soportar vasos rotos, lixo por todas partes, cheiro a mexo, vómitos nas beirarrúas e demais, sen que houbera un operativo de limpeza preparada para a ocasión ni nao día seguinte da verbena nin os días posteriores".

Conchi Ortega considera que os responsables do concello teñen que reaccionar ante esta situación de abandono da vila, gastando e preocupándose máis pola limpeza e o mantemento da vila.

Por todo isto, a moción presentada polo Partido Popular esixe ao Goberno Local que no prazo de 4 meses realice un Plan Integral de limpeza e mantemento da vila, aproveitando todos os recursos humanos e materiais dispoñibles, e que ese plan se elabore contando cos grupos da oposición para o seu debate e aprobación consensuada.

Os populares propoñen ademais que para facer fronte ao custo do plan, se presente ante outras administracións a correspondente petición de subvención necesaria para o seu desenvolvemento, nas liñas de axuda que poidan encaixar, acompañado do proxecto correspondente.