O PP DA GUARDA SOLICITA AO GOBERNO LOCAL QUE RESOLVA CON URXENCIA AS DEFICIENCIAS DA WIFI MUNICIPAL NAVEGAGUARDA

A voceira do PP, Conchi Ortega, explica que a instalación hai uns anos da rede wifi gratuíta tivo unha gran acollida entre os veciños da Guarda, certo é que a velocidade era baixa pero si suficiente para moverse pola rede a nivel usuario. Pero a ilusión durou pouco, -explica a popular-, posto que enseguida comezaron os problemas de saturación e as faltas continuadas de cobertura, que converteron a navegación pola rede nunha penuria, ao colgarse continuamente e quedar sen sinal".

Nesta liña, a voceira explica que o PP traslada desta maneira das numerosas queixas que os veciños lle están dando aos grupos da oposición, para ver se alguén os escoita xa que desde o Goberno local non se están dando solucións, e mesmo contestan ás queixas dos usuarios con respostas do tipo "neste momento non está o informático" ou "xa estamos traballando nelo", aínda que o problema nunca se acaba de resolver, explica Ortega.

A voceira popular, que neste momento apareceron os problemas na zona da Guía, aínda que por desgraza, esta non é a única zona afectada xa que os problemas coa falla da wifi Navegaguarda existen todas as zonas da Guarda.

Conchi Ortega critica ademais que os problemas non só sexan técnicos, senón tamén do mal recibimento que se lle dá aos veciños que se achegan directamente ao Concello para avisar dos problemas cos que se atopan, e coa única intención de que se a wifi se arranxe.

Desde o PP da Guarda recordan que a propia lei ampara o dereito dos veciños a comunicarse por Internet a través deste servizo de balde, pero para garantilo consideran que o ideal sería que funcionase, porque unha wifi que non che deixa acceder a internet, non vale absolutamente para nada.