O PP de Oia continúa facendo as cousas en contra dos intereses dos veciños e veciñas de Oia

O PSdeG-PSOE de Oia levou ao pleno deste xoves día 16 de febreiro unha moción para esixir á Xunta de Galicia a declaración de emerxencia galega para axudar aos concellos ao arranxo da multitude danos e incidencias ocasionadas polos temporais e choivas do pasado mes de xaneiro.

A aprobación por parte da Xunta de Galicia é o primeiro paso para que o Goberno do Estado poda aprobar as axudas estatais para este fin.

Outra vez, o PP de Oia, liderado pola “Alcaldesa da Felicidade” Cristina Correa, votou en contra dunha moción dos Socialistas de Oia, sen ter en contra o grave prexuízo que constitúe para os veciños e veciñas de Oia.

En palabras do portavoz do PSdeG-PSOE de Oia e candidato á Alcaldía, Gerardo Rodríguez, o PP de Oia continúa “facendo as cousas en contra dos intereses dos veciños e veciñas de Oia”.

Gerardo Rodríguez, expuxo na sesión plenaria a necesidade de que se aprobe por parte da Xunta de Galicia esta declaración, posto que moitos concellos galegos, entre eles o de Oia, non teñen a capacidade económica suficiente para afrontar os custes e inversións que hai que facer para o arranxo dos diferentes danos ocasionados polas choivas e últimos temporais.

Dende os Socialistas de Oia piden á Alcaldesa sentido común e que se preocupe polo que verdadeiramente lle afecta aos veciños e veciños de Oia, e se non lles interesa, que deixe o seu posto a disposición da xente que si quere loitar por un municipio mellor, como é o caso do PSdeG-PSOE de Oia.