Oia recibe 3.000 ? do Plan Concellos para o subministro de guías turísticas e unha máquina desbrozadora

Con anterioridade, o Plan Concellos xa destinou a Oia 200.851,34 € na liña 1 para a realización dun inventario de bens rústicos e urbanos, o subministro de vallas publicitarias, a mellora das instalacións do parque infantil de Viladesuso e do campo de fútbol das Tornas, os subministros de postes de luz, de sinais e puntos de información, de mobiliario urbano, de material eléctrico e de tubos para a canalización de pluviais no municipio, a realización dun acondicionamento no camiño de Refoxos, a realización de escavacións de preparacións de terreos destinados a albergar un depósito e unha zona de práctica de parapente e unha actuación de saneamentos en Pedornes e abastecementos en Oia. Outros 49.265,70 € na liña 2 para gastos correntes, 93.445,95 € na liña 4 de emprego para financiar a contratación de 15 traballadoras e traballadores nos servizos municipais e, na liña 3, 15.570 € que se corresponden ás seguintes actividades: "Intercambio con Oia", a Festa do Rei Sol, actividades infantís de maxia e teatro, o ciclo de concertos polas parroquias da vila, os concertos de primavera, o ciclo de concertos de Nadal, a Festa da Bicicleta e o Festival Costa dos Castros.

Polo de agora, o Plan Concellos xa destonou o 87,3% do destinado a Oia, o que supón que o concello xa recibiu a cantidade de 362.374,88 € por parte da Deputación de Pontevedra.