Os socialistas esíxenlle a Xunta e Concello que desbloqueen a rehabilitación do Mosteiro de Santa María de Oia

A deputada socialista María Pierres reclamoulle hoxe a Xunta e Concello de Oia que desbloqueen o proxecto de rehabilitación do Mosteiro de Santa María de Oia. Logo de seis anos dende o inicio dos trámites, e cun convenio asinado co Concello en 2011, "aínda non se acadou a aprobación inicial da modificación puntual precisa para avanzar na redacción do proxecto".

Así o dixo durante unha visita ao mosteiro, xunto co deputado socialista Abel Losada e o concelleiro Gerardo Rodríguez, para coñecer de primeira man o estado de tramitación e problemáticas do proxecto de rehabilitación e reconversión do conxunto en hotel, residencial e centro de talasoterapia.

"Non se pode entender que se esté continuamente a falar da importancia de conservar o noso patrimonio e en casos coma este se poñan tantos atrancos a aqueles empresarios ou promotores privados que asumen os costes de preservar e rehabilitar un patrimonio que é de todos" dixo Pierres. Mentras tanto, este ben catalogado como BIC desde o ano 1931, esté nun estado de abandono tal que está a por en serio perigo a súa correcta conservación.

Engadiu que "é hora de que a administración local nas súas competencias e a autonómica no seu papel que ten, de velar polo patrimonio cultural, empurren xuntas e favorezan, co cumprimento das normativas e dentro da legalidade, o avance dos trámites do proxecto".

Pola súa banda, o deputado Abel Losada engadiu que "as administracións deben favorecer no posible proxectos como este, de vital importancia para concellos que, coma este, perden poboación ano a ano e teñen na explotacion do seu patrimonio unha oportunidade de xerar postos de traballo".

Esta preocupación levará aos socialistas a presentar unha iniciativa parlamentaria que inste á Xunta de Galicia a interesarse polo estado da tramitación deste expediente no concello de Oia e a desenrolar mecanismos de protección efectivos do patrimonio histórico - artístico, máis alá da publicidade.